JULY 14, 2021
RUSSIA

Kukonzekereratu Chizunzo Kunathandiza Abale Atatu Kukhalabe Okhulupirika kwa Yehova

YAMBANI

Nthawi Komanso Zimene Zinachitika

Khoti la m’Boma la Ussuriyskiy m’Chigawo cha Primorye posachedwapa lilengeza chigamulo chake pa mlandu wa abale awa: Anton Chermnykh, Sergey Korolchuk ndi Dmitriy Tishchenko. * Loya woimira boma pa mlandu akuyembekezeka kupempha kuti abalewa akakhale kundende
23 September 2020

A khoti anayamba kumvetsera mlandu wa Anton, Sergey ndi Dmitriy
7 July 2020

Abalewa, Anton, Sergey ndi Dmitriy akuwazenga mlandu woti ndi atsogoleri a gulu la chipembedzo lomwe ndi loletsedwa chifukwa limachita zinthu zoopsa
18 June 2019

M’bale Sergey anamutsekera m’ndende masiku awiri poyembekezera kumuzenga mlandu

Zokhudza Abalewa

Anton Chermnykh

Chaka chobadwa: 1987 (Ku Magdeburg, Germany)

Mbiri yake: Anabadwa mapasa ndi mchimwene wake. Bambo awo anasiya banja lawo iwowa ali ang’onoang’ono. Kuchokera pamene anamaliza sukulu, m’baleyu amagwira ntchito zamakompyuta

Mayi ake ndi amene anamuphunzitsa choonadi. Iye ankasangalala chifukwa Baibulo linkafotokoza momveka bwino mfundo zokhudza cholinga cha moyo. Anabatizidwa n’kukhala wa Mboni za Yehova mu 2004. Mu 2013 anakwatira Yekaterina. Iwo ali ndi mwana wamkazi dzina lake Milana

Zimene Ananena

Kodi munkachita zotani pokonzekera zomwe mudzachite m’tsogolo ngati mutadzayamba kuzunzidwa?

Nthawi ndi nthawi ndinkakonda kuganizira zinthu zosiyanasiyana zimene zikhoza kuchitikira ineyo komanso banja langa. Nthawi zonse ndinkayesetsa kutsatira ndandanda yanga yophunzira pandekha. Pa nthawi imene boma la Russia linayamba kumanga Mboni za Yehova, ndinadziwa kuti nanenso ndikhoza kumangidwa n’kukaikidwa m’ndende kuti ndizikadikirira kuzengedwa mlandu. Ndinkadziwa kuti kumeneko sindingakapezeko Baibulo kapena mabuku athu.

Sergey Korolchuk

Chaka chobadwa: 1967 (Ku Vladivostok M’chigawo cha Primorye)

Mbiri yake: Analowa usilikali ndipo anali nawo m’gulu lachitetezo cha dziko (KGB). Kenako anakayamba ntchito ku kampani ina yokonza zinthu zamatabwa ndipo iye ankagwiritsa ntchito makina opangira zinthu. Panopa amagwira ntchito zoyeretsa. Anakwatira Yelena mu 1989 ndipo ali ndi ana awiri

Iye ankachita chidwi ndi zomwe Baibulo limafotokoza zokhudza zinthu zimene zikuchita m’dzikoli komanso chiyembekezo cha m’tsogolo. Anabatizidwa mu 1993 n’kukhala wa Mboni za Yehova

Zimene Ananena

Kodi panthawi yovutayi mwaphunzira zinthu ziti zimene zingadzakuthandizeni m’tsogolo ngati chikhulupiriro chanu chitayesedwa?

Ndikutha kuona kuti chilichonse chikuchitika mogwirizana ndi mmene Khristu ananenera. Sitikufunika kumada nkhawa kwambiri koma tifunika kukhazika mtima pansi. Ngati ndi zotheka, tiziuzako ena choonadi mochenjera komanso mwaulemu. Panopa ndine wokonzeka kulandira chigamulo chilichonse chimene akhoti angapereke. Anthu a m’banja langa nawonso ndiwokonzeka.

Pamene mlandu wawo ukupitirira, tikudziwa kuti Yehova adalitsa kukhulupirika kwa Anton, Sergey, ndi Dmitriy.—Miyambo 28:20.

^ N’zovuta kudziwiratu tsiku lenileni limene khoti lidzapereke chigamulo

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI