AUGUST 5, 2021
RUSSIA

Kupemphera Mosalekeza Kwathandiza M’bale Anatoliy Gorbunov Kukhalabe Wosangalala

YAMBANI

Nthawi ndi Zochitika

Khoti la m’Boma la Oktyabr’skiy lomwe lili m’Chigawo cha Krasnoyarsk, lipereka chigamulo chake posachedwapa pa mlandu wa M’bale Anatoliy Gorbunov a
Pa 9 February 2021

Mlandu wa M’bale Anatoliy unayamba kuzengedwa
Pa 15 September 2020

Akuluakulu a boma anachita chipikisheni nyumba ya m’baleyu ndipo anatenga makiyi a nyumba yake
Pa 25 March 2020

M’bale Anatoliy anam’tsegulira mlandu. Ankamuimba mlandu wotsogolera misonkhano ya chipembedzo ya gulu lomwe ndi loletsedwa
Pa 7 November 2018

Akuluakulu a boma anachita chipikisheni nyumba ya M’bale Anatoliy m’mawa kwambiri. Iwo anatenga laputopu, tabuleti, fulashi, chipangizo china chosungiramo zinthu pa kompyuta, komanso mafoni awiri. M’baleyu anamutengera ku maofesi a komiti yofufuza milandu ya dziko la Russia komwe anakamufunsa mafunso ndipo anamumasula patadutsa ola limodzi.

Zokhudza M’baleyu

Anatoliy Gorbunov

Chaka chobadwa: 1957 (Dykanka, Ukraine)

Mbiri yake: Anamaliza maphunziro pa sukulu ina yoona za chitetezo. Anagwira ntchito ya usilikali kwa zaka 5, pambuyo poti wagwirapo ntchito m’dziko la Estonia ndi la Kazakhstan. Anakwatirana ndi Galina mu 1978. Ali ndi ana awiri

Ankafunitsitsa kudziwa ngati kunali Mulungu. Atapeza yankho la funsoli komanso mafunso ena ofunika kwambiri, iye ndi mkazi wake Galina anabatizidwa kukhala a Mboni za Yehova mu 1996

Zomwe Anafotokoza

N’chiyani chimene mwapempha kuti Yehova akuchitireni pa nthawi imeneyi?

Chinthu chimodzi chimene chakhala chovuta kwambiri ndi kukhalabe wosangalala, choncho nthawi zonse ndimapemphera kuti ndikhalabe wosangalala. Kuganizira mozama mawu amene Yesu Khristu komanso mtumwi Paulo ananena okhudza kukhalabe wosangalala, kumandithandiza kuti ndiziona mavuto amene ndikukumana nawo moyenera.

Ndimapempheranso Kwa Yehova kuti andithandize kuti ndizimudalira kwambiri. Nthawi zambiri ndimakonda kuganizira mawu opezeka pa Yesaya 41:10, ndipo andithandiza kwambiri. Ndikudziwa kuti ndimakhala ndi nkhawa chifukwa ndimafunika kumudalira kwambiri komanso kukhulupirira zimene ananena zoti adzatithandiza komanso kutiteteza. Ndimapemphera kuti ndizimumva atandigwira dzanja.

Pamene M’bale Anatoliy ndi banja lake akupitirizabe kudalira Yehova mwa kupemphera kwa iye, tikukhulupirira kuti iye awathandiza kuti apitirizebe kukhala osangalala.—Salimo 25:1, 2.

a Tsiku lenileni lopereka chigamulo nthawi zina silimadziwikiratu.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI