JULY 26, 2021
RUSSIA

“Kuzunzidwaku Kwandithandiza Kuti Ndikhale pa Ubwenzi Wolimba Kwambiri ndi Yehova”

YAMBANI

Nthawi Komanso Zimene Zinachitika

Khoti la M’boma la Pavlovskiy M’chigawo cha Krasnodar, posachedwapa lilengeza zokhudza mlandu wa M’bale Vladimir Skachidub. Loya woimira boma pa mlanduwu sananenebe chilango chimene akufuna kuti m’baleyu apatsidwe
30 December, 2020

Kumvetsera mlandu koyamba
23 July, 2020

Anaikidwa pa mndandanda wa anthu ochita zinthu zoopsa m’dziko la Russia
23 June, 2020

Anauzidwa kuti amupeza ndi mlandu chifukwa ankagwira ntchito yolalikira

Zokhudza M’baleyu

Vladimir Skachidub

Chaka chobadwa: 1961 (M’chigawo cha Pavlovskaya Krasnodar)

Mbiri yake: Anagwirapo ntchito ya usilikali ndipo atasiya anapita kukaphunzira ntchito yokonza ma wailesi pa sukulu ina m’dera la Taganrog, Rostov. Makolo ake anamwalira iye ali ndi zaka 25. Kenako anabwerera kumudzi kwawo kuti azikasamalira mchemwali wake Nataliya yemwe pa nthawiyi anali ali ndi zaka 15. Nataliya anamwalira mu 2003 ndi matenda a leukemia. Pomaliza, m’bale Vladimir anakayamba ntchito yopanga zitsulo pa fakitale ina. M’baleyu amakonda kujambula zithunzi ndi kamera komanso kuimba gitala

Anayamba kukhala ndi chidwi chofuna kuphunzira Baibulo pamene Nataliya ndi mnzake Galina anayamba kucheza ndi a Mbonizi za Yehova. Anasangalala atamufotokozera zokhudza chilengedwe ndipo kenako anavomera kuti aziphunzira Baibulo. Anasiya kusuta fodya komanso kumwa mowa mwauchidakwa. Anakwatirana ndi Galina mu 1997. Anabatizidwa mu 1998 ndipo Galina anabatizidwa mu 2016

Zimene Anafotokoza

Kodi munamupempha chiyani Yehova pamene munkapemphera pa nthawiyi?

Ndinapemphera kuti andipatse mzimu wake, anditsogolere komanso kuti andipatse mphamvu yoposa yachibadwa. Pamene anayamba kutifufuza, . . . ndinapemphera kuti ndikamakalankhula ndi amene akudzafufuza, ndikayesetse kuchita zinthu m’njira yoti dzina la Yehova liyeretsedwe. Pa nthawi imene ankandifunsa mafunso komaliza, amene ankandifunsayo anandiyamikira kuti ndinachita zinthu mwaulemu.

Pa nthawi ya mavutoyi, kodi mwaphunzira zotani zimene mungadzagwiritse ntchito kutsogolo pa nthawi yamayesero?

Kuzunzidwaku kwandithandiza kuti ndikhale pa ubwenzi wolimba kwambiri ndi Yehova komanso ndaphunzira kuti ndisamataye mtima pa nthawi yamavuto koma ndiyenera kudalira kwambiri Yehova.

Mofanana ndi M’bale Vladimir, nafenso tikukhulupirira ndi mtima wonse kuti Yehova apitiriza kumuthandiza ‘kuti athe kupirira zinthu zonse ndi kukhala oleza mtima ndiponso wachimwemwe.’—Akolose 1:11.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI