1 MAY 2023
RUSSIA

“Mavuto Anga Ndi Osakhalitsa”

YAMBANI

Posachedwapa, Khoti la m’boma la Urupskiy lomwe lili ku Karachayevo-Circassian Republic lilengeza chigamulo chake pa mlandu wokhudza Mlongo Irina Perefileva. Loya woimira boma pamlanduwu akuyembekezereka kunena chilango chimene akufuna kuti chiperekedwe kwa mlongoyu.

Zokhudza Mlongoyu

Irina Perefileva

Chaka chobadwa:1965 (Ku Verkhnyaya Pyshma, M’chigawo cha Sverdlovsk)

Mbiri yake: Ankagwira ntchito yazomangamanga komanso yokonza malo ndi kuyeretsa

Ali ndi ana aamuna awiri

Mayi ake ndi amene anamuphunzitsa Baibulo. Anasangalala kwambiri kudziwa zimene Baibulo limaphunzitsa zokhudza tanthauzo la moyo, kukhala mosangalala komanso m’tsogolo. Kenako anabatizidwa mu 2003

Zimene Ananena

Kodi mavuto mwakumana nawowa akuthandizani bwanji kukhala wolimba?

Pamene ankandifunsa mafunso maulendo oyambirira ndinkakhala ndi nkhawa kwambiri. Ndiyeno ndinapemphera kwa Yehova kuti andithandize kukhala ndi mtendere wamumtima komanso kuti ndizichita zinthu modekha. Iye anandithandizadi kukhala waubwenzi, kukhala ndi mtendere wamumtima, komanso kupewa kukwiya msanga ngakhale pamene zinali zovuta kutero.

Abale ndi alongo nawonso akhala akundithandiza kwambiri. Amandikumbutsa kuti mavuto angawa ndi osakhalitsa ndiponso kuti Yehova ndi wokonzeka kundithandiza ndi kunditeteza. Ndimawayamikira kwambiri chifukwa chondithandiza ndi kundilimbikitsa.

Mofanana ndi Mlongo Irina, timatonthozedwa kudziwa kuti ngakhale mavuto amene tikukumana nawo angaoneke ngati ovuta kuwapirira, koma “ndi akanthawi ndiponso aang’ono” tikawayerekezera ndi madalitso amene Yehova wasungira atumiki ake okhulupirika m’tsogolomu.—2 Akorinto 4:17.

Nthawi ndi Zochitika

9 January 2021

Anachita chipikisheni m’nyumba yawo
22 November 2021

Anamutsegulira mlandu
23 November 2021

Anachitanso chipikisheni m’nyumba mwawo
29 November 2021

Anauzidwa kuti ali ndi mlandu wochita zinthu ndi gulu loopsa
15 October 2022

Analetsedwa kuchita zinthu zina
6 December 2022

Mlandu unayamba kuzengedwa

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI