9 NOVEMBER 2022
RUSSIA

M’bale Andrey Danielyan Anagamulidwa Kuti Akakhale ku Ndende Zaka 6

YAMBANI

Pa 7 November 2022, khoti la mu mzinda wa Rubtsovskiy m’chigawo cha Altai linapeza olakwa M’bale Andrey Danielyan ndipo linagamula kuti akakhale ku ndende zaka 6. Ndipo anatengeredwa ku ndende nthawi yomweyo.

Nthawi Komanso Zimene Zinachitika

25 May 2021

M’bale Danielyan anamutsegulira mlandu pambuyo pofufuza komanso kumvetsera mwachinsisi zimene ankakambirana ndi anthu ena pa foni kwa miyezi ingapo.
26 May 2021

Apolisi anakafufuza kunyumba kwa M’bale Danielyan. Pambuyo pake anatengedwa limodzi ndi mkazi wake kuti akawafunse mafunso. Ndipo M’bale Danielyan anamulamula kuti asayende kutuluka m’dzikolo.
13 July 2022

Anamupeza ndi mlandu wotsogolera kagulu kochita zinthu zoopsa.
5 September 2022

Mlandu unayamba kuzengedwa
7 November 2022

Anamugamula kuti akakhale ku ndende kwa zaka 6

Zokhudza M’baleyu

Andrey Danielyan

Chaka chobadwa: 1969 (ku Aleysk m’chigwawo cha Altai)

Mbiri yake: Ankagwira ntchito zoyeretsa pa sukulu ina

Anasangalala ataphunzira kuti Mulungu adzachotsa zoipa zonse zimene zimabwera chifukwa cha ulamuliro wa anthu padzikoli. Anabatizidwa kukhala wa Mboni za Yehova mu 1992

Anakwatira Nina mu 1997

Zimene Ananena

Kodi ndi chiyani chimene chikukuthandizani kuti mupitirizebe kukhala okhulupirika? a

Panopa zinthu zikuvuta ndipo kutsogoloku zikhoza kuipa kuposa pamenepa. Ndikufuna nditakwanitsa kupirira komatu kungofuna kokha sikokwanira. Wochita masewera amene amafuna kuwina mpikisano, amayesetsa kukonzekera mwakhama nthawi ya mpikisano isanafike. Panopa ndi nthawi yoti ndilimbitse ubwenzi wanga ndi Yehova ndi cholinga choti ndidzakwanitse kukhalabe okhulupirika ndikadzakumana ndi mayesero m’tsogolo. Kuganizira mfundo imeneyi, kumandithandiza kuti ndizikhulupirira kwambiri Yehova, kumupempha kuti andithandize kukhala olimba mtima, wodekha komanso kuti andipatse mphamvu. Mtumwi Paulo, pa 1 Timoteyo 4:8 analemba kuti: “Pakuti kuchita masewera olimbitsa thupi n’kopindulitsa pang’ono, koma kukhala wodzipereka kwa Mulungu n’kopindulitsa m’zonse, chifukwa kumakhudza lonjezo la moyo uno ndi moyo umene ukubwerawo.”

Tikuyamikira chitsanzo cha M’bale Danielyan komanso abale ndi alongo ena amene akuyesetsa kukhalabe okhulupirika pamene tikuyembekezera ‘lonjezo la moyo umene ukubwerawo.’—1 Timoteyo 4:8

a M’bale Danielyan anafotokoza ndemanga zakezi atatsala pang’ono kuti alandile chigamulo.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI