AUGUST 5, 2021
RUSSIA

M’bale Dmitriy Terebilov Akhoza Kumangidwa ka Nambala 5, Ndipo Kakhala Koyamba Kumangidwa Chifukwa cha Zimene Amakhulupirira

YAMBANI

Zimene Zinachitika

Khoti la m’boma la Sverdlovskiy mumzinda wa Kostroma likuyembekezeka kulengeza chigamulo chake pa mlandu wa M’bale Dmitriy Terebilov. a Khotilo likhoza kugamula kuti akakhale kundende zaka 5
8 September 2020

Mlandu wa M’bale Dmitriy unayamba
25 May 2020

A Dmitry anayamba kuimbidwa mlandu komanso analetsedwa kuyenda maulendo ena
9 September 2019

Ma akaunti awo akubanki anatsekedwa
13 June 2019

Anawatsegulira mlandu wogawa mabuku omwe ndi oletsedwa komanso wopezeka pamisonkhano ya gulu lomwe ndi loletsedwa
25 July 2018

Apolisi anakafufuza m’nyumba mwa a Dmitry pamene iwo ndi mkazi wawo anali kumsonkhano ku Moldova. Atangofika kunyumba anawamanga komanso kuwapanikiza ndi mafunso

Zokhudza M’baleyu

Dmitriy Terebilov

Chaka chobadwa: 1980 ( ku Kostroma)

Mbiri yake: Mayi ake anamwalira ali wamng’ono. Ali mwana ankakonda masewera ogwetserana pansi komanso nkhonya. Anamangidwapo maulendo 4 pa nkhani zokhudzana ndi mankhwala osokoneza bongo

Ali kundende mu 2010, anayamba kuphunzira Baibulo pogwiritsa ntchito makalata. Anatulutsidwa mu 2013. Anabatizidwa mu 2014. Anakwatira Irina, mu 2015. Amakonda kuyenda, kukwera mapiri komanso kukwera njinga

Zimene Anafotokoza

Kodi munakumana liti ndi a Mboni za Yehova koyamba?

Ndinakumana koyamba ndi a Mboni za Yehova pamene ndinkagwira ukaidi wanga wa nambala 4, chifukwa cha mankhwala oletsedwa ndi boma. Mu August 2010, ndinalandira kalata yoyamba kuchokera kwa M’bale Udmurtia. Pa zaka zonse zimene ndinali kundendeko iye ankandithandiza kwambiri, ankandilembera makalata komanso ankanditumizira mabuku ndi magazini. Ndife mabwenzi apamtima mpaka pano.

Pa 21 June 2013, ndinamaliza kugwira ukaidi wanga ndipo ndinatulutsidwa m’ndende. Ndinasamukira ku Kostroma ndipo ndinaimbira foni a Mboni za Yehova.

Kodi chinakuthandizani n’chiyani kuti muzisangalalabe komanso musamade nkhawa?

Mu 2018 tinapita kumsonkhano womwe unali ndi mutu wakuti “Limbani Mtima.” Titangobwerako, tinayamba kugwiritsa ntchito zomwe tinaphunzirazo. . . . Ndikukumbukira pamene tinkabwerera kunyumba [kuchokera kupolisi komwe akuluakulu a boma anakatifunsa mafunso pambuyo poti adzachita chipikisheni kachiwiri kunyumba kwathu]. Titafika tinapeza abale ambiri amene anabwera mofulumira kunyumba kwathu atangozindikira kuti akuluakuluwo akudzachita chipikisheni. Umenewu ndi umboni wosatsutsika wakuti Yehova ali pafupi nafe.

Kodi mukumva bwanji kuti mwina mubwereranso kundende, koma tsopano chifukwa cha zimene mumakhulupirira?

Ndikaona mmene Yehova wandithandizira pa nthawi yonseyi, komanso mmene wathandizira abale ndi alongo ena omwe alinso m’ndende chifukwa cha zimene amakhulupirira, sindikukayikira kuti Yehova adzathandiza anthu a m’banja langa komanso ineyo. Pa nthawi imene ankanditulutsa m’ndende ndinatsimikiza mtima kuti: ‘Ndikufuna kukhala wa Mboni za Yehova.’ Ndipo kungochokera nthawi imeneyo maganizo anga sanasinthe.

Pamene a Dmitriy akupitiriza kukhala ndi chimwemwe chimene chimabwera pomwe “akukunyozani chifukwa cha dzina la Khristu,” tikukhulupirira kuti “mzimu waulemerero, umene ndi mzimu wa Mulungu, wakhazikika pa” iwo.—1 Petulo 4:14.

a N’zovuta kudziwiratu tsiku lenileni limene khoti lidzapereke chigamulo.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI