1 APRIL, 2022
RUSSIA

M’bale Sergey Belousov Anateteza Dzina la Mulungu

YAMBANI

Posachedwa Khoti la Mzinda wa Seversk m’Chigawo cha Tomsk lipereka chigamulo pa mlandu wa M’bale Sergey Belousov. Loya wa boma sananene chilango chomwe akufuna kuti m’baleyu apatsidwe.

Nthawi komanso Zimene Zinachitika

14 July, 2020

Apolisi a FSB anakafufuza zinthu m’nyumba zokwana 7 kuphatikizapo nyumba ya a Belousov. Miyezi ingapo m’mbuyomo izi zisanachitike, munthu wina wotumidwa ndi boma ananamizira kuti ali ndi chidwi chofuna kuphunzira Baibulo ndipo anajambula misonkhano yampingo mwachinsinsi.
25 March, 2021

A Belousov anawatsegulira mlandu
30 March, 2021

Mlandu wa a Belousov unagamulidwa potengera zomwe anajambula munthu wotumidwa ndi boma uja. Iwo ankawazenga mlandu wotenga nawo mbali pa zochitika zachipembedzo monga kuimba nyimbo komanso kupemphera kwa Yehova Mulungu pogwiritsa ntchito vidiyokomfelensi

Zokhudza M’baleyu

Sergey Belousov

Chaka chobadwa: 1978 (Ku Esil, M’dziko la Kazakhstan)

Mbiri Yake: Anakulira m’banja lomwe anthu onse anali oimba. Ankagwira ntchito yokonza zinthu zamagetsi komanso anali bwana pakampani ina yopanga mafuta. Ndipo pambuyo pake, ankagwira ntchito yokonza mapulojekiti pakampani ina ya zomangamanga. Mu 1999 anakwatira Svetlana ndipo ali ndi mwana wamkazi mmodzi.

Anakumana ndi a Mboni za Yehova mu 2001. Anaphunzira kuchokera m’Baibulo kuti dzina lenileni la Mulungu ndi Yehova komanso anapeza mayankho okhutiritsa pa mafunso omwe anali nawo ndipo anabatizidwa mu 2002.

Zimene Ananena

Kodi abale ndi alongo anakuthandizani bwanji limodzi ndi banja lanu?

Abale ndi alongo sanatisiye tokhatokha. Tsiku lotsatira pambuyo poti apolisi abwera kudzafufuza zinthu m’nyumba mwathu, abale ndi alongo komanso achibale anthu anabwera kudzatithandiza. Apolisi anatilanda malaputopu, matabuleti komanso mafoni moti sitinkatha n’komwe kuwerenga Baibulo. Abalewa anabweretsa zinthu zawo moti sitinasowe chakudya chauzimu ngakhale kwa tsiku limodzi.

N’chiyani chakuthandizani kuti mupirire?

Ndimadzikumbutsa kuti kaya chigamulo chikhala chotani pa mlandu wanga, koma pamaso pa Yehova ndine wopambana. Chofunikira kwambiri si kukhala ndi loya wabwino, koma kukhala pa ubwenzi olimba ndi Mulungu. Palibe chomwe tinalakwitsa, kungoti tikukhala m’nthawi yapadera ndipo umenewu ndi mwayi wathu . . .wosonyeza kuti tili kumbali ya ulamuliro wa Mulungu. Sitimapita ku khoti kuti tikasonyeze kuti ndife osalakwa, koma timapita kuti tikateteze dzina la Yehova.

Mofanana ndi a Belousov, tikamatamanda dzina la Yehova, timakhala otsimikiza kuti “Iye adzakweza nyanga ya anthu ake.”—Salimo 148:13, 14.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI