Pa 16 September 2020, khoti la m’chigawo cha Penza linapereka chigamulo chake pa mlandu wa apilo wokhudza M’bale Vladimir Alushkin, Vladimir Kulyasov, Andrey Magliv, ndi Denis Timoshin ndiponso Mlongo Tatyana Alushkina ndi Galiya Olkhova. Khotili linachepetsa nthawi yokhala kundende imene M’bale Alushkin anapatsidwa, kuchoka pa zaka 6 kufika pa zaka 4. Ndipo m’malo mokhala kundende anangopatsidwa malamulo oti azitsatira pa zaka zimenezi. Ndife osangalala kuti m’baleyu sakufunika kupitanso kundende. Chigamulo cha anthu enawa choti azingotsatira malamulo ena ali kunyumba kwawo sichinasinthe.