7 JANUARY, 2022
RUSSIA

M’bale Vladimir Chesnokov, Vladimir Dutkin ndi M’bale Valeriy Yakovlev, Anazengedwa Mlandu Chifukwa cha Zimene Amakhulupirira

YAMBANI

Nthawi Komanso Zimene Zinachitika

Khothi la m’boma la Kalininskiy lomwe lili mumzinda wa Cheboksary, posachedwa lipereka chigamulo chake pa mlandu wa M’bale Vladimir Chesnokov, Vladimir Dutkin ndi M’bale Valeriy Yakovlev. Loya wa boma sananene chilango chimene akufuna kuti abalewa apatsidwe
7 June, 2021

M’bale Vladimir Chesnokov ndi Valeriy Yakovlev nawonso anaphatikizidwa pa mlanduwo
30 December, 2020

A Vladimir Dutkin anawapeza ndi mlandu ndipo anawalamula kuti asamayende kupita malo ena
25 November, 2020

Apolisi anayamba kufufuza mlandu wa a Vladimir Dutkin ndipo kenako anakafufuza zinthu m’nyumba mwawo. Pambuyo pake anawatenga kuti akawafunse mafunso

Zokhudza M’baleyu

Vladimir Chesnokov

Chaka chobadwa: 1959 (Ku Bakhmutovo, Chuvash Republic

Mbiri yake: Anamaliza maphunziro a ntchito yausilikali. Iye ndi mkazi wake Nina, ali ndi ana atatu aamuna

Pomwe ankagwira ntchito ya usilikali, anaphunzira zomwe Baibulo limalonjeza zakuti anthu “adzasula malupanga awo kuti akhale makasu a pulawo, ndi mikondo yawo kuti ikhale zida zosadzira mitengo.” (Yesaya 2:4) Atapuma pa ntchito yake yausilikali, anabatizidwa mu 1993

Zimene Ananena

Kodi abale anakuthandizani bwanji?

Abale ndi alongo anatithandiza kwambiri. . . . Anapeza njira za mmene angatithandizire ngati boma litatiletsa kuti tikatenge ndalama zathu ku banki. Mkazi wanga yemwe si Wamboni, anachita chidwi kwambiri ndi zimenezi. Panopa wayamba kuona ubwino wogwiritsa ntchito mfundo za choonadi zopezeka m’Baibulo ndipo wasintha mmene amaonera a Mboni za Yehova. Pano sandiletsanso kuchita zinthu zokhudza kulambira ngati mmene ankachitira poyamba.

Vladimir Dutkin

Chaka chobadwa: 1963 (Ku Novoaltaysk, M’chigawo cha Altai)

Mbiri yake: Ankakonda kusewera masewera osiyanasiyana monga volebo, mpira wamiyendo komanso hoke. Amagwira ntchito ngati ejenti wa inshulansi

Ataphunzira za maulosi a m’Baibulo komanso mmene anakwaniritsidwira, zinamuthandiza kuti azikhulupirira kwambiri Yehova Mulungu ndipo anabatizidwa mu 2002

Zimene Ananena

N’chiyani chimakuthandizani kukhala wolimba m’nthawi yovutayi?

Apolisi atabwera kudzafufuza zinthu m’nyumba mwanga, ndinapemphera kwa Yehova kuti andipatse nzeru komanso kuti ndikhalebe wosangalala. Nthawi yonseyi ndakhala ndikuganizira mmene zochita zanga zingathandizire kuti Yehova alemekezedwe. . . . Kuganizira zimenezi kumandipatsa mphamvu.

Ndimasangalalanso kuuza abale ndi alongo anga mmene Yehova wandidalitsira. Ndimatha kuona kuti zimenezi zimawalimbikitsa kwambiri . . . Ambiri amandiuza kuti chitsanzo changa chimawathandiza kuti nawonso asamachite mantha ndipo zimenezi zimandisangalatsa kwambiri

Kuwerenga ndi kuganizira mozama Mawu ouziridwa a Mulungu, kwathandiza abale ndi alongo athu kupirira mavuto omwe amakumana nawo tsiku ndi tsiku. Zawathandizanso kuona kuti Yehova ‘amawabisa m’malo ake otetezeka.’—Salimo 27:5.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI