Pa 4 October 2024, Mlongo Nataliya Sharapova anatulutsidwa m’ndende ku Russia. Pa 10 July 2024, anamupeza wolakwa ndipo anamugamula kuti akakhale kundende kwa zaka zitatu. Chifukwa choti anali atakhala kale m’ndende kwa zaka pafupifupi ziwiri pamene amayembekezera kumuimba mlandu, panopa wamaliza nthawi yonse imene amafunika kukhala kundendeko.

Pamene mlandu wake unkazengedwa, Nataliya ananena pamaso pa khoti kuti: “Ndili ndi abale ndi alongo ambiri okhulupirika amene nthawi zonse amanditsimikizira kuti amandikonda. Yesu anatiphunzitsa kuti: ‘Onse adzadziwa kuti ndinu ophunzira anga ngati mukukondana.’ (Yohane 13:35) Kuyambira kalekale, zonse zimene ndimachita, ndimazichita chifukwa cha chikondi, ndipo sindidzasiya kuchita zimenezi.”

Nataliya ndi anthu a m’banja lake akumananso. Tikukhulupirira kuti Yehova apitiriza kusonyeza ‘chikondi chake chokhulupirika’ kwa Nataliya komanso atumiki ake onse okhulupirika.—Salimo 59:16, 17.