30 JANUARY 2024
RUSSIA

Mlongo Sona Olopova Wagamulidwa Kuti Akagwire Ukaidi kwa Zaka Ziwiri

YAMBANI

Pa 25 January 2024, khoti la m’boma la Tsentralniy ku Tolyatti m’chigawo cha Samara, linagamula kuti Mlongo Sona Olopova ndi wolakwa ndipo anauzidwa kuti akagwire ukaidi kwa zaka ziwiri kundende ina. Mlongoyu akufunika kukhala m’ndende komanso kugwira ntchito zothandiza m’dera lake.

Zokhudza Mlongoyu

Sona Olopova

Chaka chobadwa: 1987 (ku Armenia)

Mbiri yake: Banja lawo linasamukira ku Russia iye ali ndi zaka 10. Ankagwira ntchito yophoda anthu

Anaphunzira choonadi kuchokera kwa mayi ake ndipo anabatizidwa n’kukhala wa Mboni za Yehova mu 2000

Anakwatirana ndi Anatoliy mu 2009

Zimene Ananena a

N’chiyani chakuthandizani kukhalabe ndi chikhulupiriro cholimba pa nthawi yovutayi?

Kunena zoona, nthawi zina ndinkavutika kupeza nthawi yochita zinthu zofunika kwambiri. Mwachitsanzo, ndimafunikira nthawi yambiri yokonzekera kukaonekera kukhoti. Tsiku lina ndikuwerenga mafailo okhudza mlandu wanga, ndinayamba kuganiza kuti: ‘Ndisiye kaye kuwerenga zimenezi, choyamba ndipemphere, ndiwerenge Baibulo komanso ndimvetsere zimene Yehova akundiuza. Kenako ndimalizitsa kukonzekera zokhudza mlanduwu.’ Sindikukayikira kuti zinthu zidzandiyendera bwino ndikamayesetsa kuika zinthu zofunika pamalo oyamba komanso kudalira Yehova ndi mtima wonse.

Tikukhulupirira kuti Yehova apitiriza kutsogolera, kuteteza komanso kukonda atumiki ake onse okhulupirika omwe sakusiya kumukhulupirira.—Salimo 86:2.

Nthawi ndi Zochitika

15 May 2023

Anamutsegulira mlandu
16 May 2023

Apolisi anakafufuza m’nyumba yake. Anamufunsa mafunso komanso analetsedwa kupita madera ena.
6 September 2023

Khoti linayamba kuzenga mlandu wake
25 January 2024

Khoti linagamula kuti ndi wolakwa ndipo linalamula kuti akagwire ukaidi kundende kwa zaka ziwiri

a Mlongo Olopova analankhula zimenezi khoti lisanagamule mlandu wake.

Onaninso

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI