25 AUGUST 2023
RUSSIA

“Palibe Chimene Chimandithandiza Kukhala Wosangalala Kwambiri Kuposa Kukhala pa Ubwenzi Ndi Yehova”

YAMBANI

Posachedwapa, khoti la mumzinda wa Goryacheklyuchevskoy m’chigawo cha Krasnodar lilengeza chigamulo chake pa mlandu wokhudza M’bale Pavel Sidorenko. Woimira boma pa mlanduwu akuyembekezeka kusankha chilango chimene akufuna kuti m’baleyu apatsidwe.

Zokhudza M’baleyu

Pavel Sidorenko

Chaka chobadwa: 1958 (Ku Krymsk, M’chigawo cha Krasnodar)

Mbiri yake: Ankagwira ntchito monga injiniya

Mu 1981, anakwatira Marina ndipo ali ndi mwana wamkazi mmodzi

Anayamba kuchita chidwi ndi a Mboni za Yehova atamuyankha funso lokhudza chiyambi cha moyo pogwiritsa ntchito Baibulo. Mu 1991, Pavel ndi Marina anabatizidwa

Zomwe Ananena

Ndi mavesi a m’Baibulo ati amene anakulimbikitsani pa nthawi yovutayi?

Lemba lomwe linandithandiza kwambiri ndi la Aroma 8:38, 39, lomwe limati: “Chifukwa ndatsimikiza mtima kuti imfa, moyo, angelo, maboma, zinthu zimene zilipo, zinthu zimene zikubwera, mphamvu, msinkhu, kuzama kapena cholengedwa chilichonse, sizidzatha kutisiyanitsa ndi chikondi cha Mulungu chimene chili mwa Khristu Yesu Ambuye wathu.” Mawu amenewa ananditsimikizira kuti Yehova sadzasiya kundikonda ndipo zimenezi zinandilimbikitsa kwambiri. Iye amadziwa zimene zikuchitika pa moyo wanga ndipo amamvetsa mmene ndikumvera. Palibe chimene chimandithandiza kukhala wosangalala kwambiri kuposa kukhala pa ubwenzi ndi Yehova.

Mofanana ndi Pavel, nafenso timasangalala kudziwa kuti tikamachita khama kukhalabe pa “njira ya moyo,” tidzakhala ndi chimwemwe chosatha.—Salimo 16:11.

Nthawi Komanso Zimene Zinachitika

26 January 2022

Anayamba kuimbidwa mlandu
28 January 2022

Apolisi anakachita chipikisheni kunyumba kwawo. Anafunsidwa mafunso komanso analetsedwa kupita m’madera ena
22 March 2023

Khoti linayamba kuzenga mlandu wawo

Onaninso

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI