Pa 29 September 2020, khoti la m’boma la Pervorechenskiy ku Vladivostok silinagamule mlandu wa Mlongo Yelena Barmakina. M’malomwake, khotili linabwezera nkhaniyi ku ofesi ya oimira boma pa mlandu. Woweruza ananena kuti oimira boma pa mlanduwu sanapereke umboni wokwanira wosonyeza kuti Mlongo Barmakina ankachita zinthu zoopsa. Oimira boma pa mlanduwu akhoza kupanga apilo nkhaniyi. Koma panopa mlanduwu watsekedwa mpaka pamene akuofesi ya oimira boma adzapereke umboni womveka bwino womwe ungadzachititse kuti khoti lidzapereke chigamulo pa mlanduwu.