17 JANUARY 2023
RUSSIA

“Yehova Amakhala Nane Nthawi Zonse”

YAMBANI

Posachedwa khoti la Chelyabinsk m’boma la Metallurgicheskiy lipereka chigamulo chake pa mlandu wokhudza Mlongo Olga Zhelavskaya. Loya waboma sananene chilango chomwe akufuna kuti khoti lipereke kwa mlongoyu.

Zokhudza Mlongoyu

Olga Zhelavskaya

Chaka chobadwa: 1962 (Ku Potapovo m’chigawo cha Chelyabinsk)

Mbiri yake: Ankagwira ntchito yokonza zikepi

Anadziwa zokhudza a Mboni za Yehova kudzera kwa mnzake yemwe ankagwira naye ntchito. Anapeza mayankho pa nkhani yokhudza Mulungu komanso anthu akufa. Anabatizidwa mu 2012

Zimene Ananena

Kodi ndi nkhani ya m’Baibulo iti imene imakulimbikitsani?

Khoti lisanamvetsere mlandu wanga koyamba, m’bale wina anandilimbikitsa kuti ndiganizire chitsanzo cha mneneri Yona komanso zomwe anakumana nazo mu vidiyo yakuti, Nkhani ya Yona—Yophunzitsa Kulimba Mtima Komanso Chifundo. Yona ankachita mantha kukapereka uthenga wa chiweruzo ku Nineve. Atangolowa mu mzindawo koyamba, anayamba ndikulengeza uthengawo motsitsa mawu kwambiri. Kenako analimba mtima. Ndinaona kuti chitsanzochi ndi cholimbikitsadi. Ndikuona kuti mavuto amene ndikukumana nawo panowa akundithandiza kulimbitsa chikhulupiriro changa komanso kupirira. Ndimazikumbutsa pafupipafupi kuti Yehova amakhala nane nthawi zonse ndipo sindikuyenera kuopa chilichonse.

Ndife otsimikiza mtima kuti kaya atumiki a Yehova akumana ndi mavuto otani, iwo ‘sadzagwedezeka’ ndipo timayamikira chifukwa Iye amatithandiza.—Salimo 16:8.

Nthawi Komanso Zimene Zinachitika

16 June 2018

Apolisi anayamba kumvetsera zimene Mlongo Zhelavskaya ankalankhulana ndi anthu pa foni yake komanso kuona mavidiyo omwe kamera yapanyumba pake imajambula.
26 March 2019

Apolisi anakafufuza zinthu kunyumba kwa Mlongo Zhelavskaya chifukwa cha M’bale Vladimir Suvorov yemwe ankafufuzidwanso
31 August 2021

Anawatsegulira mlandu othandizira gulu lochita zinthu zoopsya polola kuti gululi lizichitira misonkhano kunyumba kwake
22 October 2021

Anagonekedwa kuchipatala atagwidwa ndi sitiroko
28 September 2022

Mlandu unayamba kuzengedwa

Onaninso

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI