1 JANUARY 2024
RUSSIA

‘Yehova Sanandisiyepo’

YAMBANI

Posachedwapa khoti la mumzinda wa Kurgan m’chigawo cha Kurgan, lipereka chigamulo chake pa mlandu wokhudza M’bale Anatoliy Isakov. Loya woimira boma pa mlanduwu, adzafotokozabe chilango chomwe akufuna kuti m’baleyu apatsidwe.

Zokhudza M’baleyu

Anatoliy Isakov

Chaka chobadwa: 1964 (ku Kurgan)

Mbiri yake: Anagwirapo ntchito ya ufolomani kukampani yopanga magalimoto

Anakwatirana ndi Tatyana mu 1988. Anali ndi mwana wamwamuna ndi wamkazi, koma wamwamunayo anamwalira

Banjali linabatizidwa mu 1993, litaphunzira Baibulo ndi Mboni za Yehova n’kupeza umboni wakuti kuli Mlengi

M’baleyu anapezeka ndi khansa ya m’magazi. Alinso ndi vuto lamsana ndi nthiti

Zimene Ananena

Kodi kuzengedwa mlanduwu komanso vuto la thanzi lanu zakhudza bwanji chikhulupiriro chanu?

Ndaona kuti mfundo ya pa Yakobo 1:2, 3 ndi yolondoladi: “Abale anga, muzisangalala kwambiri pamene mukukumana ndi mayesero osiyanasiyana, chifukwa monga mukudziwira, chikhulupiriro chanu chikakhalabe cholimba pamene mukuyesedwa, mumaphunzira kukhala opirira.” Chikhulupiriro changa chayesedwa chifukwa cha “mayesero osiyanasiyana” amene ndakumana nawo. Zotsatira zake ndi zabwino chifukwa zandithandiza kukhala pa ubwenzi wolimba ndi Yehova. Ndimathokoza kwambiri Yehova pondithandiza kuti ndipeze anzanga amene amandikonda ndipo Yehova sanandisiyepo.

Timayamikira a Isakov chifukwa chokhala chitsanzo chabwino pa nkhani yolimba mtima komanso posonyeza chikhulupiriro ngakhale kuti akukumana ndi mavuto ambiri. Ndipo ndife oyamikira kwambiri kudziwa kuti kaya tikumane ndi zotani pa moyo wathu, Yehova adzapitiriza kukhala ‘thanthwe la mitima yathu.’—Salimo 73:26.

Nthawi ndi Zochitika

13 July 2021

Anawatsegulira mlandu
14 July 2021

Apolisi anakafufuza m’nyumba yawo. Anaikidwa m’ndende kwa kanthawi kochepa
15 July 2021

Anawasamutsira kundende poyembekezera kuwazenga mlandu
21 July 2021

Anachita apilo kudipatimenti yoona za umoyo ya m’chigawo cha Kurgan kuti awamasule n’cholinga choti azikalandira thandizo la matenda a khansa
28 August 2021

Anatulutsidwa m’ndende poyembekezera kuzenga mlandu wawo, Khoti Loona za Ufulu wa Anthu ku Europe litalamula koma analetsedwa kupita m’madera ena
6 July 2023

Mlandu unayamba kuzengedwa

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI