1 MAY 2024 | INAKONZEDWANSO PA: 9 JULY 2024
RUSSIA

ZOKHUDZA MLONGO YEMWE ANAPEZEDWA NDI MLANDU | “Palibenso Moyo Wina Wabwino”

YAMBANI

Pa 8 July 2024, khoti la Tsentralniy m’boma Tolyatti lomwe lili m’chigawo cha Samara, linapeza kuti Mlongo Galina Komissarova ndi wolakwa ndipo linagamula kuti kwa zaka ziwiri azitsatira malamulo ena ali kunyumba kwawo. Panopa mlongoyu sakuyenera kupita kundende.

Zokhudza Mlongoyu

Galina Komissarova

Chaka chobadwa: 1961 (ku Moscow, m’chigawo cha Moscow)

Mbiri yake: Asanapume pantchito, anali mphunzitsi, wolangiza ana asukulu komanso wothandiza anthu olankhula movutikira

Anakwatirana ndi Dmitriy mu 1990. Ali ndi mwana wamwamuna komanso wamkazi. Dmitriy anamwalira mu 2003

Mfundo zothandiza zimene anaphunzira m’Baibulo zinamufika pamtima. Mu 2003 anabatizidwa n’kukhala wa Mboni za Yehova

Zimene Ananena

N’chiyani chimakuthandizani kuti musasiye kutumikira Yehova?

Ndadziwa kuti Yehova ndi Mulungu woyamikira amene amaona kuti ngakhale zinthu zochepa zimene ndimachita posonyeza kuti ndimamukonda ndi zamtengo wapatali. Zimenezi zimandilimbikitsa kuti ndizichita zomwe ndingathe pomusangalatsa komanso kuti ndisamamukhumudwitse. Ndimaona kuti palibenso moyo wina wabwino, kaya ndikumane ndi mavuto otani. Sindingathe kukhala popanda Yehova.

Mofanana ndi Galina, ifenso timaona kuti ndi mwayi waukulu kudziwa Yehova komanso kumutumikira ndi mtima wonse chifukwa timadziwa kuti ‘ndife ake.’—Aroma 14:8.

Nthawi Komanso Zimene Zinachitika

7 September 2023

Anamutsegulira mlandu
8 September 2023

Nyumba ya Galina inafufuzidwa ndipo iye anafunsidwa mafunso
19 September 2023

Analetsedwa kupita m’madera ena
18 December 2023

Anayamba kumuzenga mlandu

Onaninso

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI