APRIL 7, 2017
RUSSIA
A Mboni za Yehova Apereka Umboni Patsiku Lachitatu la Mlandu ku Khoti Lalikulu Kwambiri ku Russia
NEW YORK—Khoti Lalikulu Kwambiri ku Russia lamaliza kuzenga mlandu patsiku lachitatu, ndipo mlanduwu waimitsidwa kaye mpaka Lachitatu, pa 12 April, 2017, nthawi ya 10:00 m’mawa. Lero khotili linamvetsera umboni umene a Mboni za Yehova 4 anapereka. A Mboniwo anafotokoza mfundo zofunika kwambiri zotsutsa zimene a Unduna wa Zachilungamo ananena pankhani ya kutseka Likulu la Mboni za Yehova m’dzikolo komanso kuletsa ntchito yawo.
Woweruza milandu anafunsa a Unduna wa Zachilungamo mafunso ambiri n’cholinga choti afotokoze umboni wa zimene amaneneza a Mboni za Yehova zoti amachita zinthu zoopsa komanso kuti amagawira anthu mabuku oopsa. Undunawu sunapereke umboniwo. Poyankhula m’khotimo, a Vasiliy Kalin, omwe ali m’komiti yoimira Likulu la Mboni za Yehova ku Russia, ananena kuti: “Ndikufuna kukumbutsa a Unduna wa Zachilungamo kuti zimene akufuna zoti ntchito ya Mboni za Yehova iletsedwe zikhumudwitsa anthu amene amakufunirani moyo wosangalala komanso wamtendere.”
Lankhulani ndi:
Kuchokera ku Mayiko Ena: David A. Semonian, Office of Public Information, +1-845-524-3000
Russia: Yaroslav Sivulskiy, +7-911-087-8009
Mwina Mungakondenso Kudziwa Izi
NKHANI
Khoti Lalikulu Kwambiri ku Russia Layamba Kuzenga Mlandu Waukulu Kwambiri Wokhudza Mboni za Yehova
Mlanduwu udzapitirira pa Lachinayi, 6 April , 2017.
NKHANI
Vasiliy Kalin: Zimene Woimira a Mboni Anayankhula Boma la Russia Litaopseza Kuti Liletsa Ntchito ya Mboni za Yehova M’dzikolo
Woimira Likulu la Mboni za Yehova m’dziko la Russia, a Vasiliy Kalin, akupempha akuluakulu a boma kuti asiye kuzunza a Mboni za Yehova popanda chifukwa.
NKHANI
Akuluakulu a Boma la Russia Akufuna Kutseka Likulu la Mboni za Yehova M’dzikolo
Kalata imene akuluakulu a boma la Russia alemba posachedwapa ikusonyeza kuti bomali likufuna kuletsa a Mboni kupembedza.