APRIL 20, 2017
RUSSIA
Khoti Lalikulu Kwambiri M’dziko la Russia Lagamula Kuti Likulu la Mboni za Yehova M’dzikolo Litsekedwe
NEW YORK—Pa milungu iwiri yapitayi, Khoti Lalikulu Kwambiri M’dziko la Russia lakhala likuzenga kuzenga mlandu wokhudza Mboni za Yehova kwa masiku 6. Lachinayi pa April 20, 2017, khotilo lagamula mogwirizana ndi zimene Unduna wa Zachilungamo m’dzikolo ukufuna, zoti Likulu la Mboni za Yehova m’dzikolo litsekedwe. Zimenezi zikutanthauza kuti mabungwe 395 omwe amaimira Mboni za Yehova m’dzikolo atsekedwanso. Zimene khotili lagamula zayamba kale kugwira ntchito.
A Yaroslav Sivulskiy omwe amalankhula m’malo mwa Mboni za Yehova ku Russia anena kuti: “Takhumudwa kwambiri ndi zimene khotili lachita ndipo tikuda nkhawa kwambiri ndi mmene chigamulochi chikhudzire ntchito yathu.” Iwo anafotokozanso kuti: “Tipanga apilo chigamulochi ndipo sitikukayika kuti posachedwapa tipatsidwanso ufulu wathu wolambira monga gulu lachipembedzo lokonda mtendere.”
A Mboni za Yehova ku Russia apatsidwa masiku 30 kuti apange apilo za nkhaniyi ndipo majaji atatu ndi amene adzawunikenso mlanduwu.
Lankhulani ndi:
Kuchokera Kumayiko Ena: David A. Semonian, Office of Public Information, +1-845-524-3000
Russia: Yaroslav Sivulskiy, +7-911-087-8009
Mwina Mungakondenso Kudziwa Izi
NKHANI
Mavuto Amene a Mboni Akhala Akukumana Nawo kwa Zaka 10 pa Nkhani Zamalamulo Anaunikidwa pa Tsiku la 5 Lozenga Mlandu ku Khoti Lalikulu Kwambiri ku Russia
Maloya oimira Unduna wa Zachilungamo sanathe kunena chifukwa chomveka chokhudza malamulo chochititsa kuti Likulu la Mboni za Yehova litsekedwe ku Russia.
NKHANI
A Mboni za Yehova Apereka Umboni Patsiku Lachitatu la Mlandu ku Khoti Lalikulu Kwambiri ku Russia
A Mboni 4 anafotokoza mfundo zofunika kwambiri zotsutsa zimene a Unduna wa Zachilungamo ananena zokhudza a Mboni m’dzikolo.
NKHANI
Khoti Lalikulu Kwambiri ku Russia Layamba Kuzenga Mlandu Waukulu Kwambiri Wokhudza Mboni za Yehova
Mlanduwu udzapitirira pa Lachinayi, 6 April , 2017.
NKHANI
Vasiliy Kalin: Zimene Woimira a Mboni Anayankhula Boma la Russia Litaopseza Kuti Liletsa Ntchito ya Mboni za Yehova M’dzikolo
Woimira Likulu la Mboni za Yehova m’dziko la Russia, a Vasiliy Kalin, akupempha akuluakulu a boma kuti asiye kuzunza a Mboni za Yehova popanda chifukwa.