15 MARCH, 2022
SOUTH KOREA
Moto Wolusa Unawononga M’zigawo ziwiri za ku South Korea
Kuyambira pa 4 March 2022, moto wolusa unawononga malo aakulu pafupifupi maekala 23,993 m’nkhalango ina. Ndipo zimenezi zinachititsa kuti anthu ambiri athawe m’nyumba zawo. Anthu ena akuti ngoziyi ikhoza kukhala yoopsa kwambiri kuposa ngozi iliyonse imene inachitikapo ku South Korea.
Mmene Zakhudzira Abale ndi Alongo Athu
Ofalitsa 44 anachoka m’nyumba zawo
Nyumba imodzi inawonongekeratu
Ntchito Yopereka Chithandizo
Ofalitsa amene anakhudzidwa, anasungidwa kwa kanthawi ndi achibale awo komanso ofalitsa ena kumadera amene kunali bwino
Komiti Yothandiza Pangozi Zadzidzidzi inakhazikitsidwa kuti ikapereke chithandizo
Amene akugwira ntchito yopereka chithandizoyi akutsatira njira zodzitetezera ku covid19
Sitikukayikira kuti Yehova adalitsa khama la abale ndi alongo amene akuyesetsa kuthandiza anzawo panthawi yovutayi.—Miyambo 17:17.
Mwina Mungakondenso Kudziwa Izi
MAFUNSO OFUNSIDWA KAWIRIKAWIRI
Kodi a Mboni za Yehova Amagwira Nawo Ntchito Yothandiza Ena Pakagwa Tsoka?
Werengani nkhaniyi kuti mudziwe zimene timachita pothandiza a Mboni anzathu amene akhudzidwa ndi tsoka komanso anthu ena omwe si a Mboni.