DECEMBER 12, 2014
SOUTH KOREA
Zokhudza Misonkhano ya Mayiko: A Mboni Anatulutsa Baibulo pa Bwalo la Masewera a Mpira wa Padziko Lonse ku Seoul
David Splane, wa m’Bungwe Lolamulira akutulutsa Baibulo la Dziko Latsopano la Malemba Opatulika m’Chikoreya.
SEOUL—Pa September 6 mpaka 8, 2014, a Mboni za Yehova m’dziko la Korea anachita msonkhano wa mayiko womwe unali ndi mutu wakuti, “Pitirizani Kufunafuna Ufumu wa Mulungu Choyamba.” Pa msonkhanowu a Mboni anatulutsa Baibulo la Dziko Latsopano la Malemba Opatulika m’Chikoreya. Baibuloli analimasulira kuchokera ku Baibulo la Dziko Latsopano la Malemba Opatulika la Chingelezi, lomwe analikonzanso. Msonkhanowu unachitikira m’bwalo la masewera a mpira wa padziko lonse ku Seoul. Anthu 56,867 amene anasonkhana m’bwaloli analandira Mabaibulowa kwaulere kuphatikizaponso anthu okwana 59,091 amene ankamvetsera komanso kuonera msonkhanowu kudzera pa TV m’madera monga Busan, Daejeon, Gwangju, Jeju, Suwon ndi Yeosu. Munthu wina dzina lake Joon-yeong Choi yemwe anali pa msonkhanowu anati: “Chinthu chosaiwalika pamsokhanowu chinali kutulutsidwa kwa Baibulo la Dziko Latsopano la Malemba Opatulika lomwe analikonzanso.”
Anthu oposa 56,000 amene anasonkhana m’bwalo la masewera anasangalala kumvetsera nkhani za m’Baibulo.
A Mboni ochokera ku Canada, Finland, Philippines, Poland ndiponso ku United States anapita ku Seoul kukachita nawo msonkhanowu. A Dae-il Hong omwe ndi mneneri wa Mboni za Yehova ku Korea anati: “Tinakonzekera mwakhama msonkhano wosangalatsa komanso wophunzitsawu ndipo zinthu zayenda bwino kwambiri kuposa mmene tinkayembekezera. Tinganene kuti unali mwayi wapadera kuchitira msonkhanowu kuno.”
Mabaibulo okongoletsa malo a msonkhano.
Anthu amene anasonkhana m’bwalo lamasewera la Seoul, anasangalala kwambiri ataona Mabaibulo akuluakulu atatu omwe anaikidwa ngati zokongoletsera pa bwaloli. Koma pambuyo pake anaona kuti Mabaibulowa ndi malo obatiziramo. Anthu 630 anabatizidwa pa malowa ndipo enanso okwana 596 anabatizidwa m’malo ena amene ankamvetsera msonkhanowu kudzera pa TV moti onse obatizidwa analipo 1,226.
Mabaibulo anagwiritsidwa ntchito ngati malo obatiziramo.
Lankhulani ndi:
Kuchokera M’mayiko Ena: J. R. Brown, Office of Public Information, tel. +1 718 560 5000
Republic of Korea: Dae-il Hong, tel. +82 31 690 0033
Mwina Mungakondenso Kudziwa Izi
NKHANI
A Mboni za Yehova Alengeza Kuti Akhala ndi Misonkhano Yamayiko
Kuyambira mu June 2014 mpaka mu January 2015, a Mboni za Yehova adzachita misonkhano yamayiko m’mayiko osiyanasiyana 9, padziko lonse. Msonkhano uliwonse uzichitika kwa masiku atatu.
NKHANI
A Mboni za Yehova Ayamba Kuchita Misonkhano Yawo Yamayiko
Msonkhano woyambirira pa misonkhano yamayiko, yomwe a Mboni za Yehova amachita kwa masiku atatu, unayamba Lachisanu m’mawa pa June 6, 2014, ku Ford Field m’dera la Detroit, m’chigawo cha Michigan ku USA. Nkhani zina pa msonkhanowu zizionetsedwa pa vidiyo ya pa Intaneti kumadera ena 10 a ku United States.
NKHANI
Zokhudza Misonkhano ya Mayiko: A Mboni Anachita Msonkhano Wosaiwalika ku Sitediyamu Yotchedwa MetLife
Anthu ambirimbiri anadzazana m’sitediyamu yotchedwa MetLife kummawa kwa Rutherford, NJ, USA, kuti amvere msonkhano wamayiko wakuti ‘Pitirizani Kufunafuna Ufumu Wa Mulungu Choyamba’ pa June 20-22, 2014. Ndi pa June 27-29, 2014.
NKHANI
Zokhudza Misonkhano ya Mayiko: A Mboni za Yehova Anachita Msonkhano M’bwalo la Masewera la Olympic ku Greece
Msonkhano wa mayiko wa mutu wakuti “Pitirizani Kufunafuna Ufumu wa Mulungu Choyamba” unachitikira m’bwalo la masewera la Olympic ku Athens komwe kunachitikira masewera a Olympic mu 2004.
ZOKHUDZA IFEYO
Mudzapezeke nawo Pamsonkhano Wachigawo wa 2024—’Lalikirani Uthenga Wabwino’
Tikukuitanani kuti mudzakhale nawo pamsonkhano wa Mboni za Yehova wachaka chino wa masiku atatu
MISONKHANO IKULUIKULU
Kavidiyo: Lipoti la Pamsonkhano Wamayiko
A Mboni za Yehova amachita misonkhano ikuluikulu yapadera m’mizinda yosiyanasiyana padziko lonse. Onerani kavidiyoka kuti mudziwe chifukwa chake anthu ambiri amasangalala akapezeka pamisonkhano imeneyi.