MAY 18, 2015
SOUTH KOREA
Woweruza Milandu ku South Korea Anagamula Kuti Anthu Amene Anakana Usilikali Alibe Mlandu
Pa 12 May 2015, khothi la ku Gwangju linagamula kuti a Mboni za Yehova ena atatu ndi osalakwa pa mlandu wokana kulowa usilikali. Woweruza milandu wamkulu pa khotili dzina lake Choi, Chang-seok anafotokoza chigamulo chake kuti: “Tingamvetse bwino ufulu umene munthu ali nawo wotsatira zimene amakhulupirira tikaona zimene malamulo amanena komanso zimene zimafunika pa nkhani ya chitetezo cha dziko.” Iye ananenanso kuti: “Ngati malamulo amafuna kuti munthu achite zinazake ndipo pa nthawi yofananayo munthuyo ali ndi ufulu wokana kapena kuvomera kuchita zimenezo ndiye kuti malamulowo ayenera kutsatiridwa mokomera mbali zonse.” A Mboni akuyembekezera kuti woimira boma pa mlanduwu achita apilo pasanathe masiku 7.
Mwina Mungakondenso Kudziwa Izi
NKHANI
Oweruza Milandu Akuvutika Maganizo Poweruza Anthu Okana Kulowa Usilikali Chifukwa cha Zimene Amakhulupirira
Oweruza milandu a ku South Korea akuvutika maganizo chifukwa akukakamizika kuweruza mopanda chilungamo anthu amene akukana kulowa usilikali chifukwa cha zimene amakhulupirira, m’malo molemekeza ufulu wawo wachibadwidwe.
NKHANI
Khoti Lalikulu ku South Korea Lipereka Chigamulo pa Nkhani ya Anthu Okana Usilikali Chifukwa cha Zimene Amakhulupirira
Khotili linaimitsa mlanduwu kuti liganize kaye ngati malamulo a asilikali onena kuti anthu okana usilikali ayenera kulandira chilango akugwirizana ndi malamulo a dziko kapena ayi.