JULY 1, 2019
UKRAINE
A Mboni za Yehova ku Ukraine Anaonetsa Anthu Mabaibulo M’malo Osiyanasiyana
A Mboni za Yehova ku Ukraine anachita zionetsero zapadera za Baibulo pofuna kudziwitsa anthu za kutulutsidwa kwa Baibulo la Dziko Latsopano Lomasulira Malemba Achigiriki Achikhristu la Chinenero Chamanja cha ku Russia, ndipo kutulutsidwa kwa Baibuloli ndi chinthu chosaiwalika pa ntchito yomasulira yomwe a Mboni za Yehova amagwira. Zionetserozi zinayamba pa 7 October, 2018, mumzinda wa Lviv ndipo zinapitirira mpaka pa 7 June, 2019. Mizinda inanso kumene kunachitikira zionetserozi inali ya Kharkiv, Kyiv, Odesa, ndi Dnipro.
Chionetsero chisanachitike mumzinda uliwonse, mipingo ya chinenero chamanja inkaitanira anthu a vuto losamva a m’madera omwe chionetserocho chikachitikire pogwiritsa ntchito timapepala komanso mavidiyo. Kuonjezera pamenepo, Dipatimenti Yoona Zofalitsa Nkhani ku ofesi ya nthambi ya ku Ukraine inagawira timapepala ndiponso mavidiyo oitanira anthu ku zionetserozi kwa aphunzitsi, ofalitsa nkhani, komanso kwa akuluakulu a boma.
Chionetsero choyamba chinachitikira pa Lviv City Deaf Club, ndipo anthu omwe anabwera anasonyezedwa mapulogalamu osiyanasiyana a pakompyuta ndiponso pazipangizo zamakono omwe anthu a vuto losamva angagwiritse ntchito pophunzira Baibulo, monga pulogalamu ya JW Library Sign Language®. Anthuwo anasangalalanso kuona malo omwe ankasonyeza mmene Baibulo lakhala likuonekera kwa zaka zambiri, kuyambira pamene linali la mipukutu n’kufika pokhala buku monga mmene lilili masiku ano. Mwachitsanzo, anaona Baibulo lomwe linapangidwa mu 1927.
Ndife osangalala kuti Baibulo la Dziko Latsopano Lomasulira Malemba Achigiriki Achikhristu la Chinenero Chamanja cha ku Russia layamba kupezeka. Tikukhulupirira kuti Baibuloli lithandiza anthu omwe amagwiritsa ntchito Chinenero Chamanja cha ku Russia kuti adziwe Malemba molondola.—Mateyu 5:3.
Mwina Mungakondenso Kudziwa Izi
NTCHITO YOLALIKIRA
Ku France Kunachitika Chionetsero Chapadera cha Baibulo
Anthu amene anapita kuchionetsero cha zinthu za m’mayiko osiyanasiyana cha 2014 chomwe chinali mumzinda wa Rouen ku France anachita chidwi kwambiri ndi malo ena omwe analembapo kuti ‘Baibulo ndi Lothandiza Kuyambira Kale, Panopa Komanso M’tsogolo.’
NKHANI
A Mboni Anachita Nawo Chionetsero cha Mabuku Pamwambo Wodziwika Kwambiri ku Croatia
A Mboni za Yehova anachita nawo chionetsero chamabuku ku Croatia. Mwambowu unachitika pa 11 mpaka pa 16 November 2014 ndipo unali wa nambala 37. Anthu a m’mayiko osiyanasiyana anapita kukaonetsa mabuku awo.
NKHANI
A Mboni za Yehova Anasonyeza Mtima Wochereza Komanso Mgwirizano pa Msonkhano Wapadera ku Ukraine
A Mboni za Yehova mumzinda wa Lviv ku Ukraine, analandira abale ndi alongo awo masauzande ambiri ochokera kumayiko ena omwe anakachita nawo msonkhano wapadera wachigawo. Alendo anasangalala ndi kuona malo komanso zinthu zachikhalidwe.
NTCHITO YOFALITSA MABUKU
Ntchito Yomasulira M’chinenero Chamanja
A Mboni za Yehova amasulira mabuku ndi zinthu zina zofotokoza Baibulo m’zinenero zamanja zoposa 90. N’chifukwa chiyani amachita khama lonseli?