California, Oregon ndi Washington

• Moto wolusa womwe ukufalikira mofulumira kwambiri wawononga malo okwana mahekitala oposa 2 miliyoni kuchokera ku California mpaka ku Washington

• Motowu wachititsa kuti anthu azipuma mpweya wowonongeka

• Moto umene wawononga ku California waposa moto wina wonse womwe wakhala ukuyaka kumeneko m’mbuyo monsemu

• Ofalitsa 4,546 asamuka m’nyumba zawo

• Nyumba 61 zapseratu

• Nyumba 16 zawonongeka

• Makomiti Othandiza pa Ngozi Zogwa Mwadzidzidzi akupitirizabe kugwira ntchito limodzi ndi oyang’anira madera komanso akulu a m’mipingo pothandiza abale ndi alongo amene asamuka m’nyumba zawo, kwinaku akutsatira malangizo opewera matenda a COVID-19

Ofalitsa omwe akhudzidwa ndi motowu akuyamikira kwambiri zimene Yehova wachita powathandiza kudzera m’gulu lake. Mlongo wina amene nyumba yake inapsa ananena kuti abale anali “ofunitsitsa kutichitira china chilichonse chimene tinkafunikira, ifeyo tisanadziwe n’komwe kuti tikufunikira zimenezo.”

Ngakhale kuti abale ndi alongo amene akhudzidwa ndi motowu akuvutikabe, iwo akuona kuti Yehova akupitiriza kuwasamalira mwachifundo.—Yakobo 5:11.