Pa April 27, 2014, mphepo yamkuntho inasakaza zinthu kwambiri m’chigawo chapakati ndi kum’mwera m’dziko la United States. Mphepo yamkunthoyi inawononga nyumba zambiri ndipo malipoti akusonyeza kuti anthu 30 anafa. Akuluakulu a ku ofesi ya Mboni za Yehova ku United States ananena kuti palibe munthu wa Mboni amene wafa kapena kuvulala pa ngoziyi. Komabe nyumba 7 za anthu a Mboni zawonongeka. Kuwonjezera pamenepa, nyumba zitatu zolambiriramo za a Mboni zawonongeka ndi mphepoyi. Padakali pano, anthu a Mboni za Yehova m’derali akonza makomiti amene akuthandiza anthu omwe akhudzidwa ndi ngoziyi.

Lankhulani ndi:

Kuchokera Kumayiko Ena: J. R. Brown, Office of Public Information, tel. +1 718 560 5000