Arkansas, Mississippi, kumadzulo kwa Louisiana ndi kum’mawa kwa Texas

• Chimphepo champhamvu chinasakaza zinthu kumadzulo kwa Louisiana pa 27 August 2020 ndipo magetsi anazima

• N’zomvetsa chisoni kuti mlongo wina wachikulire anamwalira pamene ankasamutsidwa kumalo amene ankalandira chithandizo chakuchipatala

• Mlongo wina anavulala pang’ono

• Ofalitsa 3,992 anasamutsidwa kunyumba zawo

• Nyumba 10 za abale zawonongekeratu

• Nyumba 95 ndi Nyumba za Ufumu 4 zawonongeka kwambiri

• Nyumba 192 ndi Nyumba za Ufumu 16 zawonongeka pang’ono

• Nthambi ya ku United States yakhazikitsa komiti yoti ithandize pa ngozi imeneyi

• Oyang’anira madera ndi akulu m’mipingo akuthandiza ofalitsa amene asamutsidwa kuti apeze malo okhala

• Abale a m’madera apafupi analola kuti akhristu anzawo adzafikire m’nyumba zawo koma ankayesetsa kuchita zonse zothandiza popewa COVID-19. M’bale wina amene anasamutsidwa anati: “Zonsezi ndi umboni wakuti Yehova akutidalitsa!”

Abale ndi alongo amene ayesetsa kutsatira malangizo komanso kuthandiza anzawo amene akhudzidwa ‘asonyeza kuti iwowo ndi atumiki a Mulungu’ enieni.—2 Akorinto 6:4.