Alabama, Florida ndi Mississippi

• Pa 16 September 2020, chimvula chophatikizana ndi mphepo yamkuntho chinagwa ku Alabama ndipo chinachititsa kuti madzi asefukire m’kanthawi kochepa

• Mphepo yamkunthoyi inawononga zinthu zambiri komanso m’madera ambiri magetsi anazima

• Ofalitsa 240 anasamuka m’nyumba zawo

• Wofalitsa mmodzi anavulala pang’ono

• Nyumba 143 za anthu ndi Nyumba za Ufumu 11 zawonongeka pang’ono

• Nyumba 12 za anthu ndi Nyumba ya Ufumu imodzi zawonongeka kwambiri

• Makomiti awiri othandiza pa ngozi zogwa mwadzidzidzi akugwira ntchito limodzi ndi oyang’anira madera komanso akulu a m’mipingo kuti asamalire abale ndi alongo amene ali m’madera okhudzidwa, powalimbikitsa mwauzimu komanso kuwapatsa zinthu zimene akufunikira. Iwo akuchita zimenezi kwinaku akuyesetsa kutsatira malangizo opewera matenda a COVID-19

Wofalitsa wina ananena kuti anali ndi nkhawa kwambiri chimvulachi chitangogwa kumene. Koma atathandizidwa ndi abale ndi alongo a mumpingo wakwawo, iye anayamikira kwambiri ndipo anati: “Panopa ndikuchita kusowa chonena ndikaona mmene abale ndi alongo andithandizira komanso kundisonyeza chikondi.”—1 Yohane 3:18.