M’mwezi wa February 2018, kuchigawo chapakati cha United States kunasefukira madzi omwe anabwera chifukwa cha mvula yamphamvu komanso sinowo yemwe anasungunuka. Abale ndi alongo athu omwe amakhala m’madera a Illinois, Indiana, Kentucky, Michigan, Ohio, ndi Tennessee ali m’gulu la anthu omwe anakhudzidwa ndi kusefukira kwa madziku.

Ofesi ya Nthambi ya ku United States yanena kuti ofalitsa 20 a m’madera 8 asamuka m’nyumba zawo chifukwa chokhudzidwa ndi kusefukira kwa madziku. N’zomvetsa chisoni kuti mlongo wina wa ku Indiana anamwalira pangoziyi. Nyumba za abale zokwana 57 zawonongedwa ndi madzi osefukirawa.

Oyendera madera a m’zigawo zokhudzidwazi akuyesetsa kulimbikitsa abale ndi alongo amene akhudzidwa kwambiri ndi ngoziyi. Nafenso tikupitirizabe kupempherera abale ndi alongo athuwa podziwa kuti Yehova adzawatonthoza.—1 Petulo 5:7.

Lankhulani ndi:

David A. Semonian, Office of Public Information, +1-845-524-3000