Mzimu wodzipeleka wa Yesaya, tiyeneladi kuutengela. Iye anaonetsa cikhulupililo mwa kuyankha mwamsanga pempho olo kuti sanali kudziŵa zoloŵetsedwamo. (Yes. 6:8) Kodi na imwe mungasintheko zinthu zina mu umoyo wanu kuti mukatumikileko kumene ofalitsa Ufumu ni ocepa? (Sal. 110:3) Cofunika, ni kuŵelengela mtengo mukalibe kusamuka. (Luka 14:27, 28) Komanso, khalani na mtima wodzimana kuti nchito yolalikila ipite patsogolo. (Mat. 8:20; Maliko 10:28-30) Monga taonela mu vidiyo yakuti Kukatumikila ku Malo Osoŵa, madalitso amene timalandila mu utumiki wa Yehova sitingawayelekezele na zinthu zimene timadzimana.

• Kodi a m’banja la William anadzimana zinthu zanji kuti akatumikile ku Ecuador?

• Ni zinthu ziti zimene anaganizilapo posankha kumene angakatumikile?

• Ni madalitso anji amene anapeza?

• Ngati mufuna kudziŵa zambili pankhani yokatumikila kosoŵa, ni kuti kumene mungapeze malangizo?

• Kodi tingawonjezele bwanji utumiki wathu monga banja? (km 8/11 4-6)

• Ngati sitingakwanitse kukatumikila kosoŵa, tingathandize mpingo wathu m’njila ziti? (w16.03 tsa. 23-25)