Tifuna kuthilila mbeu za coonadi zimene timabyala. (1 Akor. 3:6) Tikapeza munthu wacidwi, zimakhala bwino kusiya funso limene tingayankhe paulendo wotsatila. Izi zidzathandiza mwini nyumba kuti akulitse cidwi, ndipo zidzatithandizanso kukonzekela bwino ulendo wobwelelako. Tikabwelelako, tingamuuze kuti tabwela kudzayankha funso limene tinasiya.

• Mukamakonzekela ulaliki wanu wa ku nyumba ndi nyumba, muzikonzekelanso funso limene mungadzasiye kuti mudzayankhe ulendo wotsatila. Mwina mungakonze funso limene lili m’cofalitsa cimene mukugaŵila. Mwinanso mungakonze funso lili m’cofalitsa cimene timaphunzitsilamo Baibulo comwe mufuna kudzagawila paulendo wotsatila.

• Mukamaliza kukambilana ndi munthu wacidwi, muuzeni kuti mufuna kudzabwelanso, ndipo mufunseni funso limene mwakonza kuti mudzakambilane ulendo wotsatila. Tengani adilesi kapena nambala yake ya foni.

• Mukamuuza tsiku ndi nthawi imene mudzabwelelako, muyenela kukwanilitsa lonjezo lanu.—Mat. 5:37