Yehova amakuonani kuti ndinu amtengo wapatali. (Yes. 43:4) Yehova anakukokelani kwa iye komanso ku gulu lake. Ndipo pamene munadzipatulila na kubatizika, munakhala ake a Yehova. Iye adzakusamalilani monga cuma cake capadela ngakhale panthawi zovuta. Adzakuonetsani cikondi cake cosasintha kupitila m’gulu lake.—Sal. 25:10.

Kuona mmene gulu la Yehova lathandizila anthu ake pa matsoka a zacilengedwe m’zaka zaposacedwapa, kungatilimbikitse kuyamikila kwambili cikondi cake cosasintha.

ONELELANI VIDIYO YAKUTI LIPOTI YA 2019 YA KOMITI YA OGWILIZANITSA, KENAKO YANKHANI MAFUNSO AWA:

• Kodi Komiti ya Ogwilizanitsa inakonzekeletsa bwanji maofesi a nthambi padziko lonse kuti azicitapo kanthu mwamsanga pakacitika matsoka?

• Kodi gulu la Yehova linapeleka bwanji thandizo pa nthawi ya tsoka ku Indonesia na ku Nigeria?

• N’ciani cakufikani pamtima mukaganizila mmene gulu lacitila zinthu pa nthawi ya mlili wa COVID-19?