CUMA COPEZEKA M’MAWU A MULUNGU | WONJEZELANI CIMWEMWE CANU MU ULALIKI
Thandizani Maphunzilo Anu a Baibo Kumapezeka pa Misonkhano
Misonkhano ya mpingo ni mbali yofunika kwambili pa kulambila koona. (Sal. 22:22) Onse amene amasonkhana kuti alambile Yehova amapeza cimwemwe na madalitso. (Sal. 65:4) Nthawi zambili ophunzila Baibo amapita patsogolo mwamsanga akamapezeka pamisonkhano nthawi zonse.
Kodi mungaathandize bwanji maphunzilo anu a Baibo kuti azipezeka kumisonkhano? Pitilizani kuwaitanila kumisonkhano. Aonetseni vidiyo yakuti N’ciani Cimacitika ku Nyumba ya Ufumu? Afotokozeleni ubwino wa misonkhano. (lff phunzilo 10) Komanso, mungawafotokozeleko mfundo inayake imene munaphunzila pamsonkhano, kapena mungawauzeko zimene mudzaphunzila pamsonkhano wotsatila. Apatseni zofalitsa zimene zidzagwilitsidwa nchito pamsonkhano. Ndiponso athandizeni pa zinthu zina zofunikila. Mwina afunika thandizo la mayendedwe. Ophunzila anu akadzapezeka pamisonkhano kwa nthawi yoyamba, mudzaona kuti khama lanu silinapite pacabe.—1 Akor. 14:24, 25.
ONELELANI VIDIYO YAKUTI THANDIZANI MAPHUNZILO ANU A BAIBO KUMAPEZEKA PA MISONKHANO, KENAKO YANKHANI MAFUNSO AWA:
-
Kodi Neeta anaseŵenzetsa mpata wotani poitanila Rose kumsonkhano wa mpingo?
-
N’cifukwa ciani timakondwela wophunzila Baibo akapezeka kumisonkhano?
-
“Zoonadi Mulungu Ali Pakati Panu”
N’ciani cinacitika nthawi yoyamba pamene Rose anapezeka kumisonkhano?
