Malemba amatilimbikitsa kuti Akhristu acikulile tizicita nawo zinthu monga amayi athu kapena atate athu, Akhristu acinyamata monga alongosi athu kapena abale athu. (Ŵelengani 1 Timoteyo 5:1, 2.) Abale maka-maka, ayenela kulemekeza alongo na kuwapatsa ulemu.

M’bale sayenela kuceza mokopana na mlongo amene si mkazi wake kapena kucita zinthu zimene zingapangitse mlongo kumangika thupi. (Yobu 31:1) M’bale amene ni mbeta sayenela kuseŵeletsa malingalilo a mlongo amene ni mbeta mwa kucita zinthu zoonetsa ngati kuti afuna kukhala naye pa cibwenzi, pamene m’ceni-ceni alibe colinga cimeneco.

Akulu mokoma mtima, ayenela kuganizila alongo amene afunsa funso mwaulemu kapena amene awafotokozela zina zake zofuna cisamalilo cawo. Akulu amadela nkhawa maka-maka alongo amene alibe amuna awo n’colinga cakuti awateteze.—Rute 2:8, 9.

ONELELANI VIDIYO YAKUTI ONETSANI CIKONDI COSATHA MUMPINGO—KWA AKAZI AMASIYE NDI ANA AMASIYE, KENAKO YANKHANI MAFUNSO AWA:

• Kodi mpingo unamuonetsa bwanji cikondi capadela Mlongo Myint?

• Kodi cikondi cimene mpingo unaonetsa cinathandiza bwanji kucitila umboni wabwino m’mudzi wawo?

• Kodi cikondi cimene mpingo unaonetsa cinawathandiza bwanji ana a Mlongo Myint?

Kodi mungaonetse m’njila ziti kuti alongo mumawadela nkhawa mwacikondi mumpingo wanu?