Zolinga zauzimu ni ciliconse cimene timayesetsa kukwanilitsa kuti titumikile Yehova mofikapo na kum’kondweletsa. Zolingazo zimatithandiza kukhala Akhristu okhwima mwauzimu. Conco, mpake kutailapo nthawi na mphamvu zathu kuti tizikwanilitse. (1 Tim. 4:15) N’cifukwa ciyani tiyenela kumasanthula zolinga zathu nthawi na nthawi? Cifukwa zinthu zimasintha pa umoyo. N’kutheka kuti colinga cimene tinali naco sitingacikwanilitse tsopano cifukwa zinthu zinasintha pa umoyo wathu. N’kuthekanso kuti colinga cimene tinali naco tinacikwanilitsa, ndipo tingafunike kudziikila cina.

Nthawi yabwino yosanthula zolinga zauzimu ni pamene tatsala pang’ono kuloŵa m’caka cautumiki catsopano. Bwanji osakambilana nkhaniyi pa kulambila kwanu kwa pabanja na kudziikila zolinga aliyense payekha-payenkha, komanso za banja lonse?

Kodi zolinga zanu ni zotani pa mbali zotsatilazi? Nanga mwakonza zotani zimene zingakuthandizeni kukwanilitsa zolingazo?