August 5-11

MASALIMO 70-72

LIZANI

August 5-11

Nyimbo 59 na Pemphelo | Mawu Oyamba (Mph. 1)

CUMA COPEZEKA M’MAWU A MULUNGU

1. ‘Uzani M’badwo Wotsatila’ za Mphamvu za Mulungu

(Mph. 10)

Ali mnyamata, Davide anaona thandizo la Yehova (Sal. 71:5; w99-CN 9/1 18 ¶17)

Mu ukalamba wake, Davide anaona thandizo la Yehova (Sal. 71:9; g04-CN 10/8 23 ¶3)

Davide analimbikitsa acinyamata mwa kuwauzako zocitika za pa umoyo wake (Sal. 71:17, 18; w14 1/15 23 ¶4-5)

DZIFUNSENI KUTI, ‘Mu mpingo mwathu, n’ndani amene wakhala akutumikila Yehova kwa zaka zambili amene ningakonde kumufunsa mafunso pa kulambila kwathu kwa pabanja?’

2. Kufufuza Cuma Cauzimu

(Mph. 10)

Sal. 72:8—Kodi zimene Yehova analonjeza Abulahamu pa Genesis 15:18 zinakwanilitsika bwanji mu ulamulilo wa Mfumu Solomo? (it-1-E 768)

Yankho lanu
Pa kuŵelenga Baibo kwa mlungu uno, munapeza mfundo zothandiza ziti zimene mungakonde kutifotokozelako?

Yankho lanu

3. Kuŵelenga Baibo

(Mph. 4) Sal. 71:1-24 (th phunzilo 5)

CITANI KHAMA PA ULALIKI

4. Kuyambitsa Makambilano

(Mph. 3) KUNYUMBA NA NYUMBA. Ngati munthu wayambitsa mkangano, thetsani makambilanowo mwamtendele. (lmd phunzilo 4 mfundo 5)

5. Kubwelelako

(Mph. 4) ULALIKI WAMWAYI. Pitilizani kukambilana na wacibale amene akuwayawaya kuyamba kuphunzila Baibo. (lmd phunzilo 8 mfundo 4)

6. Kufotokoza Zimene Mumakhulupilila

(Mph. 5) Nkhani. ijwfq 49—Mutu: N’cifukwa Ciyani a Mboni za Yehova Anasintha Zinthu Zina Zomwe Anali Kukhulupilila? (th phunzilo 17)

UMOYO WATHU WACIKHRISTU

Nyimbo 76

7. Zimene Mungacite pa Kulambila kwa Pabanja

(Mph. 15) Kukambilana.

Nthawi ya kulambila kwa pabanja ni nthawi yofunika kuti ana ‘apatsidwe malangizo komanso kuphunzitsidwa mogwilizana ndi zimene Yehova amanena.’ (Aef. 6:4) Kuphunzila kumafuna khama, koma kungakhale kosangalatsa, maka-maka pamene ana akulitsa cikhumbo cawo cofuna kudziŵa coonadi ca m’Baibo. (Yoh. 6:27; 1 Pet. 2:2) Fotokozani mfundo zili m’bokosi lakuti “ Zimene Mungacite pa Kulambila kwa Pabanja,” zimene zingathandize makolo kuti kulambila kwawo kwa pabanja kuzikhala kothandiza komanso kokondweletsa. Kenako kambilanani mafunso awa:

Pa zimene takambilanazi, kodi mungafune kuyesako ziti?

Yankho lanu
Kodi mwapeza cina cake cothandiza?

Yankho lanu

ZIMENE MUNGACITE PA KULAMBILA KWA PABANJA

BAIBO:

Mvetselani mawu ojambulidwa a kuŵelenga Baibo kwa mlungu na mlungu, kapena muzipatsana mipata yoŵelenga mokweza. Aliyense m’banja angamaŵelenge mawu a munthu wina wake wa m’Baibo
Konzani mafunso ocokela pa kuŵelenga Baibo kwa mlungu na mlungu. Aliyense m’banja asankhepo funso limodzi ndipo akalifufuze. Kenako mungadzakambilane zimene anaphunzila
Chulani funso kapena fotokozani cocitika, kenako fufuzani mfundo za m’Baibo zothandiza m’buku lakuti Malemba Othandiza pa Umoyo Wathu wa Cikhristu
Citani seŵelo la nkhani ina yake ya m’Baibo
Mlungu uliwonse, muzipanga kakhadi kokhala na vesi ya m’Baibo ndipo muziyesetsa kuloŵeza vesilo pamtima. Mungaseŵenzetse mavesi monga opezeka ku zakumapeto A m’bulosha yakuti Kondani Anthu—Kuti Mupange Ophunzila. Bwelezani zimene zili pa makhadi a milungu yapita
Ŵelengani mfundo zingapo kapena phunzilo limodzi m’buku la Kondwelani na Moyo Kwamuyaya!
Uzani aliyense m’banja lanu kuti akafotokoze nkhani imodzi yopezeka pa mbali yakuti “Kuyankha Mafunso a m’Baibo” kapena “Kufotokoza Mavesi a m’Baibo,” yopezeka pa cigawo cakuti “ZIMENE BAIBO IMAPHUNZITSA” pa jw.org

MISONKHANO:

Konzekelani mbali ya msonkhano wa mpingo
Konzekelani mayankho na kuwayeseza. Muziyang’ana pa nthawi
Yesezani nyimbo za Ufumu
Kambilanani na kuyeseza zimene mungakambe polimbikitsa munthu wina msonkhano wotsatila usanayambe komanso ukatha
Yesezani nkhani ya m’sukulu pamaso pa a m’banja lanu

ULALIKI:

Konzekelani ulaliki wa kunyumba na nyumba
Konzekelani maulendo obwelelako
Yelekezelani kuti mukucita zinthu zina zake, ndiyeno yesezani mmene mungayambitsile makambilano mwaubwenzi
Kambilanani zolinga zimene mungadziikile kuti muwonjezele utumiki wanu pa nyengo ya Cikumbutso kapena panthawi imene simupita ku nchito kapena kusukulu

ZOFUNIKILA ZA M’BANJA:

Yesezani zimene mungacite polimbana na cocitika cina cake monga nkhani yokhudza kusakhalila mbali m’zandale, kuvutitsidwa, kukhala pa cibwenzi, kapena kukondwelela maholide
Nthawi zina muzisinthanako zocita na ana anu. Ana azifufuza nkhani ina yake kenako azikuuzani inu makolo zimene anapeza

ZINANSO ZIMENE MUNGACITE:

Onelelani na kukambilana pulogilamu ya JW Broadcasting^®
Ŵelengani nkhani kapena tambani vidiyo pa jw.org, ndiyeno kambilanani zimenezo
Kambilanani nkhani ina yake yopezeka pa mbali yakuti “Acinyamata” kapena “Ana” pa cigawo cakuti “ZIMENE BAIBO IMAPHUNZITSA” pa jw.org
Bwelelamoni m’manotsi anu a pa msonkhano wa cigawo kapena wa dela
Yang’anani kapena fufuzani cinthu cina cake m’cilengedwe, ndiyeno kambilanani zimene mwaphunzilapo zokhudza Yehova
Nthawi zina muziitanilako munthu wina, na kumufunsa mafunso
Dziikileni zolinga zauzimu, na kukambilana zimene mungacite kuti muzikwanilitse
Muziseŵenzela pamodzi pogwila nchito ina yake, monga kupanga cingalawa, kuona ma mapu, kapena machati opezeka m’zofalitsa zathu

Tambitsani VIDIYO yakuti Pitilizani Kupangitsa Kulambila kwa Pabanja Kukhala Kopindulitsa. Kenako funsani omvela kuti:

Kodi mwamuna angacite ciyani kuti mkazi wake azikondwela na kulambila kwa pabanja ngakhale kuti pa nyumba palibe ana?

Yankho lanu

8. Phunzilo la Baibo la Mpingo

(Mph. 30) bt mutu 13 ¶17-24

Mawu Othela (Mph. 3) | Nyimbo 123 na Pemphelo

UMOYO NA UTUMIKI WATHU–KABUKU KA MISONKHANO

Ndandanda ya Msonkhano wa Umoyo na Utumiki ya August 5-11, 2024

Cinyanja