Anthu okhawo amene ali na khalidwe loyela ndiwo angakhale pa ubale wabwino na Yehova. (1 Pet. 1:14-16) Ophunzila Baibo akaleka makhalidwe oipa amapindula cifukwa amakhala na banja lacimwemwe, thanzi labwino, ndiponso amapewa kuwononga ndalama.

Afotokozeleni momveka bwino ophunzila Baibo mfundo za Yehova za makhalidwe abwino, cifukwa cake anazikhazikitsa, ndiponso mapindu amene iwo angapeze akamazitsatila. Sumikani maganizo pa kuthandiza ophunzila anu kusintha kaganizidwe kawo. Akasintha kaganizidwe kawo, m’kupita kwa nthawi makhalidwe awo nawonso adzasintha. (Aef. 4:22-24) Atsimikizileni kuti na thandizo la Yehova angakwanitse kuleka khalidwe loipa limene linazika mizu mwa iwo. (Afil. 4:13) Auzeni kuti azipemphela kwa Yehova mocondelela akayamba kulakalaka kucita chimo. Athandizeni kuzindikila zinthu zimene zingawaike pa mayeselo na kuzipewa. Alimbikitseni kucita zinthu zimene zingawathandize, m’malo mocita makhalidwe odetsa. Timakondwela kuona ophunzila Baibo akupanga masinthidwe pa umoyo wawo mothandizidwa na Yehova.

ONELELANI VIDIYO YAKUTI THANDIZANI MAPHUNZILO ANU A BAIBO KULEKA MAKHALIDWE ODETSA, NDIYENO YANKHANI MAFUNSO AWA:

• Kodi akulu komanso Neeta anaonetsa bwanji kuti anali na cidalilo cakuti Rose angasinthe?

• Kodi Neeta anapitiliza bwanji kum’thandiza Rose?

• Kodi Rose anacita ciani kuti Yehova am’thandize?