Ŵelengani Baibulo ndi kabuku ka kuphunzila Malemba tsiku ndi tsiku.

Ŵelengani Buku Lapacaka, magazini, ndi zofalitsa zina. Seŵenzetsani bukumaki.

Konzekelani misonkhano yampingo, ndi kuconga mayankho

Onelelani mavidiyo

Pezani malemba amene mkambi akuchula. Seŵenzetsani mbali yokuthandizani kupezanso lembalo

M’malo monyamula mabuku pobwela kumisonkhano, munganyamule cipangizo canu cokhala ndi intaneti ndi kuciseŵenzetsa pocita misonkhano ndi poimba nyimbo. Pa JW Laibulale pali nyimbo zatsopano zimene m’buku la nyimbo mulibe

Onetsani cinacake munthu wacidwi kucokela pa JW Laibulale, ndiyeno m’thandizeni kucita dawunilodi pulogalamu imeneyi ndiponso zofalitsa zina n’kuziika pa cipangizo cake cokhala ndi intaneti

Sewenzetsani mbali yofufuzila kuti mupeze vesi la m’Baibulo. Ngati mau ena ake sakuonekela m’Baibulo la Dziko Latsopano lokonzedwanso, mungafufuze m’Baibulo lokhala ndi malifalensi

Muonetseni vidiyo. Ngati mwininyumba ali ndi ana, mungamuonetse vidiyo imodzi pa mavidiyo akuti Khala Bwenzi la Yehova. Mwina mungamuonetse vidiyo yakuti N’cifukwa Ciani Muyenela Kuphunzila Baibulo? kuti imupangitse kukhala ndi cidwi ndi phunzilo la Baibulo. Ngati munthu wina amakamba cinenelo cina, muonetseni vidiyo ya m’cinenelo cake

Onetsani mwininyumba lemba m’cinenelo cina cimene inu munacita dawunilodi. Pitani pa lembalo ndi kudiniza nambala ya vesi kuti mulinganize zinenelo zonse ziŵili