UMOYO WATHU WACIKRISTU
Kodi Mukugwilitsila Nchito JW Laibulale?
JW Laibulale ndi pulogalamu ya pa kompyuta imene mungagwilitsile nchito potenga Baibulo, zofalitsa zina, mavidiyo, ndi zinthu zina zomvetsela ndi kuziika pa foni, pa tabuleti kapena pa kompyuta yanu.
MMENE MUNGAIKILE JW LAIBULALE PA CIPANGIZO CANU: Pitani pa intaneti ndi kuika JW Laibulale pa cipangizo canu. JW Laibulale imapezeka mu app store. Mungathe kuika JW Laibulale pa zipangizo zosiyanasiyana. Mukali pa intaneti, tsegulani JW Laibulale ndi kuika zofalitsa zimene mukufuna pa cipangizo canu. Ngati mulibe intaneti, mungapite ku Nyumba ya Ufumu ngati iliko, kapena pamalo ena alionse kumene kungapezeke intaneti. Mukaika zofalitsa pa cipangizo canu, mungazitsegule nthawi iliyonse pamene mukuzifuna ngakhale kulibe intaneti. Komabe, popeza zinthu zina zatsopano zimaikidwa pa JW Laibulale, mufunika kupita pa intaneti nthawi ndi nthawi kuti mutenge zinthu zatsopanozo.
UBWINO WA JW LAIBULALE. Pulogalamu imeneyi imathandiza pocita phunzilo laumwini ndi pamisonkhano. Imathandizanso mu ulaliki, makamaka pocita ulaliki wamwamwai.
Mungakondenso Izi
NCHITO YOLALIKILA
Kugwilitsila Nchito Webusaiti ya JW.ORG Polalikila Uthenga wa m’Baibulo
A Mboni za Yehova, akulu ndi ana omwe, amakonda kugwilitsila nchito webusaiti yao yokonzedwanso kuti alalikile uthenga wabwino wa Ufumu wa Mulungu kwa anthu ambili.
