5:5-7, 11

Kusauka sikunalepheletse munthu aliyense mu Isiraeli kukonzanso ubale wake na Yehova. Ngakhale anthu osauka kwambili anali kukwanitsa kupeleka nsembe yovomelezeka kwa Yehova, malinga ngati apeleka zinthu zawo zabwino koposa. Anali kupeleka ufa, koma Yehova anafunabe kuti ufawo ukhale “wosalala,” ngati umene anali kuseŵenzetsa pophikila alendo cakudya. (Gen. 18:6) Masiku anonso, Yehova amalandila nsembe yathu yabwino kwambili yacitamando, ngakhale kuti mwina timalephela kucita zambili cifukwa ca mmene zinthu zilili pa umoyo wathu.—Aheb. 13:15.

Kodi mfundoyi ingakulimbikitseni bwanji ngati simukwanitsa kucita zambili mmene munali kucitila kale, mwina cifukwa ca kufooka kwa thanzi kapena kucepa kwa mphamvu?