CITANI KHAMA PA ULALIKI | WONJEZELANI CIMWEMWE CANU MU ULALIKI
Seŵenzetsani Zida Zofufuzila
Yehova amatipatsa zida zotithandiza kuphunzitsa mwaluso, monga mavidiyo, mathilakiti, magazini, mabulosha, mabuku, ndiponso cida cathu cacikulu, Baibo. (2 Tim. 3:16) Watipatsanso zida zofufuzila zimene zingatithandize kufotokoza bwino Malemba. Zida zimenezi ni Watchtower Laibulali, JW Laibulali® app, LAIBULALI YA PA INTANETI ya Watchtower™, komanso Buku Lofufuzila Nkhani la Mboni za Yehova.
Mudzapeza cimwemwe pamene mukufufuza Cuma cauzimu m’zofalitsa zambili zimene tili nazo. Phunzitsani ophunzila Baibo anu kudziŵa mmene angaseŵenzetsele zida zimenezi. Mukatelo, nawonso adzakhala acimwemwe cifukwa adzadzipezela okha mayankho a m’Baibo pa mafunso awo.
ONELELANI VIDIYO YAKUTI PEZANI CIMWEMWE PA NCHITO YOPANGA OPHUNZILA—LANDILANI THANDIZO LA YEHOVA—ZIDA ZOFUFUZILA. PAMBUYO PAKE, YANKHANI MAFUNSO AWA:
-
Kodi Rose anafunsa funso lotani potsutsa mfundo yakuti zinthu zinacita kulengedwa?
-
Kodi Neeta anapeza kuti mfundo zothandiza pa nkhaniyi?
-
Tikapeza mfundo za coonadi na kuuzako ena, timakondwela
Kodi Neeta anasankha bwanji mfundo zimene zinam’thandiza kwambili Rose?
-
Kodi kuseŵenzetsa zida zathu zofufuzila kunam’thandiza bwanji Neeta?
