“Buku la malamulo ili lisacoke pakamwa pako, uziliŵelenga ndi kusinkhasinkha usana ndi usiku, kuti uonetsetse kuti ukutsatila zonse zolembedwamo. Pakuti ukatelo, udzakhala ndi moyo wopambana, ndipo udzacita zinthu mwanzelu.”

Yoswa 1:8

“Iwo anapitiliza kuŵelenga bukulo mokweza. Anapitiliza kuŵelenga cilamulo ca Mulungu woona, kucifotokozela ndi kumveketsa tanthauzo lake. Iwo anapitiliza kuthandiza anthuwo kumvetsa tanthauzo la zimene anali kuŵelenga.”

Nehemiya 8:8

“Wodala ndi munthu amene sayenda motsatila malangizo a anthu oipa . . . Koma amakondwela ndi cilamulo ca Yehova, Ndipo amaŵelenga ndi kusinkhasinkha cilamulo cake usana ndi usiku. . . . Zocita zake zonse zidzamuyendela bwino.”

Salimo 1:1-3

“Filipo anathamanga m’mbali mwa galetalo ndi kumumva akuŵelenga mokweza m’buku la Yesaya mneneli. Ndipo Filipo anafunsa kuti: ‘Kodi mukumvetsa zimene mukuŵelengazo?’ Poyankha iye anati: ‘Ndingamvetse bwanji popanda wondimasulila?’”

Machitidwe 8:30, 31

 “Cilengedwele dziko kupita mtsogolo, makhalidwe a Mulungu osaoneka ndi maso akuonekela bwino. Makhalidwe a Mulungu amenewa, ngakhalenso mphamvu zake zosatha ndiponso Umulungu wake, zikuonekela m’zinthu zimene anapanga moti anthuwo alibenso cifukwa comveka cosakhulupilila kuti kuli Mulungu.”

Aroma 1:20

“Sinkhasinkha zinthu zimenezi mozama. Dzipeleke pa zinthu zimenezi kuti anthu onse aone kuti ukupita patsogolo.”

1 Timoteyo 4:15

“Tiyeni tiganizilane kuti tilimbikitsane pa cikondi ndi nchito zabwino. Tisaleke kusonkhana pamodzi.”

Aheberi 10:24, 25

“Ngati wina akusoŵa nzelu, azipempha kwa Mulungu, ndipo adzamupatsa, popeza iye amapeleka moolowa manja kwa onse ndiponso amapeleka mosatonza.”

Yakobo 1:5