Kodi Ndani Maka-Maka Amene Akulamulila Dzikoli?
Kodi muganiza kuti ndi . . .
-
Mulungu?
-
anthu?
-
wina wake?
ZIMENE BAIBO IMANENA
“Dziko lonse lili m’manja mwa woipayo.”—1 Yohane 5:19.
“Mwana wa Mulungu anabwela . . . kuti aononge nchito za Mdyelekezi.”—1 John 3:8, New Century Version.
UBWINO WOKHULUPILILA ZIMENEZI
Mudzamvetsetsa cifukwa cake padziko pali mavuto.—Chivumbulutso 12:12.
Mudzakhala ndi ciyembekezo cakuti zinthu padziko zidzakhala bwino mtsogolo.—1 Yohane 2:17.
KODI TINGAKHULUPILILEDI ZIMENE BAIBO IMANENA?
Inde, pa zifukwa zitatu izi:
-
Ulamulilo wa Satana udzaonongedwa. Yehova ndi wokonzeka kwambili kucotsa ulamulilo wa Satana padziko lapansi. Iye walonjeza kuti ‘adzaononga Mdyelekezi’ ndi kukonzanso zinthu zonse zimene Satana waononga.—Aheberi 2:14, Baibulo la Dziko Latsopano.
-
Mulungu wasankha Yesu Kristu kukhala wolamulila wa dziko. Yesu ndi wosiyana kwambili ndi wolamulila wa dzikoli amene ndi wankhanza ndi wodzikonda. Ponena za ulamulilo wa Yesu, Mulungu walonjeza kuti: “Adzamvela cisoni munthu wonyozeka ndi wosauka . . . Adzaombola miyoyo yao ku cipsinjo ndi ciwawa.”—Salimo 72:13, 14.
-
Mulungu sanama. Baibo imakamba mosapita m’mbali kuti: “N’zosatheka kuti Mulungu aname.” (Aheberi 6:18) Yehova akalonjeza zinthu, zimakhala monga kuti zacitika kale. (Yesaya 55:10, 11) ‘Wolamulila wa dzikoli adzaponyedwa kunja.’—Yohane 12:31.
GANIZILANI FUNSO ILI
Kodi dzikoli lidzakhala bwanji wolamulila wake akacotsedwapo?
Baibo imayankha funso limeneli pa SALIMO 37:10, 11 ndi pa CHIVUMBULUTSO 21:3, 4.
Mungakondenso Izi
ZOKHUDZA IFE MBONI
N’cifukwa Ciani Muyenela Kuphunzila Baibulo?
Anthu mamiliyoni akupedza mayankho a mafunso awo ofunika kwambili m’Baibo. Kodi mungafune kukhala m’modzi wa iwo?
ZOKHUDZA IFE MBONI
Pemphani kuti wa Mboni adzakucezeleni
Kambilanani nkhani ya m’Baibo na Mboni za Yehova, kapena laŵani maphunzilo a Baibo amene timapeleka.
