Mungasangalale na Madalitso Osatha Ocokela kwa Mulungu Wacikondi
Kodi mumalakalaka kukhala m’dziko limene mulibe nkhondo, ciwawa, na mikangano?
Kodi mumalakalaka kukhala m’dziko lopanda matenda, mavuto, kapena imfa?
Kodi mumalakalaka kukhala wopanda nkhawa?
Kodi mumalakalaka kukhala m’dziko lopanda matsoka a zacilengedwe?
Mulungu wathu wacikondi, amene analenga dziko lapansi lokongolali, analonjeza kuti adzadalitsa mtundu wa anthu powapatsa moyo wosatha, komanso wacimwemwe m’dziko lamtendele. Amenewa si maloto cabe.
M’nkhani zotsatila, tikulimbikitsani kuganizila izi:
Mmene Mlengi wathu amaonela anthu
Zimene Mawu a Mulungu amatiuza
Zimene aneneli anakamba ponena za madalitso amene Mulungu analonjeza
Zimene tingacite kuti tikhale acimwemwe palipano, na kuti Mulungu akatipatse madalitso osatha kutsogolo
Tiyeni tiyambe na kuona mmene Mlengi wathu amakondela anthu
