Ombimbiliya ipopia okuti katupondola okulia ohonde. Naina onthue katupondola okupakwa ohonde nii ovipuka vikuana vitunda mohonde. Katupondola okuilia nii okuipakwa momihipa. Tala onotesitu mbumwe mbutyipopia:

•   Gênesis 9:4. Konyima yombila Onene pononthiki mba Noe, Huku wapopilile Noe nombunga yae okuti ankho vapondola okulia ohitu yovinyama, mahi ankho kavapondola okulia ohonde yatyo. Huku wapopilile Noe okuti: “Ohitu nomwenyo watyo — ohonde yatyo — onwe muahapondola okulia.” Otyitumino otyo ovanthu aveho vena okutyitavela mokonda ovanthu aveho tundee pomuvo opo vatuka mu Noe.

•   Levítico 17:14. “Muahaliei ohonde, mokonda omwenyo wovitungua aviho ohonde. Wameili una okunyimua-ko.” Ku Huku ohonde omwenyo. Hekulu yomwenyo o Huku. Namphila otyitumino otyo tyapelwe vala ova Isilayeli, mahi tyilekesa oñgeni Huku atala otyitumino tyiilika okulia ohonde.

•   Ovilinga 15:20. “Velityilike . . . ohonde.” Otyitumino Huku apele Noe, tupu wetyipele Ovakilisitau. Omikanda vilekesa okuti Ovakilisitau votete ankho kevetavela okulia ohonde, tupu ankho kavetavela okuhakulwa nayo.

Oityi Huku etutumina tulityilike ohonde?

 Onondotolo ononyingi mbuhole okupopia okuti okuhakulwa nohonde tyieta ovitateka ovinyingi. Mahi Huku wetuavela otyitumino otyo mokonda kwe ohonde ikola, ohonde omwenyo. — Levítico 17:11; Ova Kolosu 1:20.