Kuna omalikwambelo amwe Huku ahakumbulula. Tala ovipuka vivali vilekesa omokonda yatyi Huku ehetavelela omalikwambelo ovanthu vamwe.

1. Elikwambelo kalielikwatele netyi Huku ahanda

 Huku ketavela omalikwambelo ovanthu vehetavela etyi ahanda ine ovitumino viae, vikahi mo Mbimbiliya. (1 Suau 5:14) Mongeleka Ombimbiliya iilika okuvaka, iilika okunganala, otyo pamwe tyilingwa momawela. (1 Ova Kolindu 6:9, 10) Ngotyo, Huku ketavela ankho ove ulikwambela opo umone onombongo tyina uyumba omawela ine ombatota. Huku kekahi ngokandiyelo ove upondola okutemesa vala tyina wahanda. Mahi otyo otyiwa. Ankho hatyo soka kovipuka ovanthu ñgeno vaita ku Huku! Ñgeno tyikalesa notyiho, hatyili? — Tiaku 4:3.

2. Omunthu ulikwambela mahi otyo omukalavi

 Huku ketavela omalikwambelo a una ulingila tyawina ovipuka viapenga. Mongeleka, tala etyi Huku apopia konthele ya vana ankho vasoka okuti vekahi nokumulingila, otyo valinga ovipuka ovivi,wati: “Namphila mulinga omalikwambelo omanyingi, ame himutehela; omaoko enyi anengula ohonde yovanthu ovanyingi.” (Isaías 1:15) Mahi ankho vapiluluka avayeke-po okulinga ovivi ‘avatetulula ovitateka viavo’ na Huku, opo Huku matehelela omalikwambelo avo. — Isaías 1:18.