“Omukanda womuenyo,” tupu utiwa “ombuingwa yomuenyo” ine “omukanda wokuhinangela,” omukanda muna muahonekwa omanyina a vana mavakapewa omuenyo wahapu. (Eholololo 3:5; 20:12; Malaquias 3:16) Huku oe utala omanyina a valie maahonekwa momukanda oo, okutalela kuetyi vemutavela. — Suau 3:16; 1 Suau 5:3.

 Huku upaka momutwe omanyina ovaumbili vae ovakuatyili, ngatyina eehoneka momukanda, “tunde ponthyimbi youye ” wovanthu. (Eholololo 17:8) Omukuatyili Abele oe watetekela okuhonekwa momukanda oo womuenyo. (Ova Hebeleu 11:4) Mahi omukanda oo ha-mutete vala womanyina ovanthu, otyilekeso tyokuti Siovaa o Huku woluembia “wii ovanthu vae” aveho. — 2 Timotiu 2:19; 1 Suau 4:8.

Okuti omanyina oo “momukanda womuenyo” apondola okunyimwa-mo?

 Enga. Huku kohale wapopilile ova Isilayeli vehemutavelele okuti: “Mandyinyimi momukanda wange una walinga onkhali.” (Êxodo 32:33) Mahi ankho tutualako okukala ovakuatyili ku Huku, omanyina etu makala apeho “mombuingwa yomuenyo.” — Eholololo 20:12.