Okuti Ndyi Ndyipondola pola Okuvasa mo Mbimbiliya Onondaka Mbumphameka?
Ekumbululo Lyo Mbimbiliya
Yoo. (Ova Loma 15:4) Tala onongeleka mbumwe mbovanthu vapamekwa no Mbimbiliya ankho vekahi nokulambela movitateka viapopiwa pombwelo.
Evi Viapopiwa Monthele ei:
Ononkhumbi
Salmo 23:4: “Namphila ndyikuata mevota liapuputa, himakala nowoma wotyivi natyike, mokonda ove ukahi naame.”
Otyo okutiwi: Inkha ulikwambela ku Huku oovola ehongolelo liae, Mondaka yae Ombimbiliya, motyivili okufinda ononkhumbi tyakola omutima.
Ova Filipu 4:13: “Ame ndyina ononkhono movipuka aviho, mokonda ya una umpha epameko.”
Otyo okutiwi: Huku mekwavela ononkhono wesukisa opo utyivile okufinda kese tyitateka.
Tyina Una Tuhole Amanyimi
Eclesiastes 9:10: “Meendo omphangu moende mutupu ovilinga, nokusoka, nenoñgonoko, nounongo.”
Otyo okutiwi: Vana vankhia kavamono ononkhumbi, tupu kavetulingi natyike. Kavei natyike.
Ovilinga 24:15: “Makukakala etutilo.”
Otyo okutiwi: Huku makapindulapo vetu vokwankhia avakakala vali nomwenyo.
Okulivela Onombei
Salmo 86:5: “Mokonda ove Siovaa, a umuwa nokuafwapo pala okuevela. Una oluembia olunene novanthu aveho vapopia enyina liove.”
Otyo okutiwi: Huku weevela vana valingile ononkhali kohale pahe velivela avalingi ononkhono mbokuhembuwane vali.
Salmo 103:12: “Ngetyi outundilo ukahi kokule noutakelo, tupu ononkhali mbetu Huku wembupakela kokule nonthwe.”
Otyo okutiwi: Tyina Huku aevela ononkhali mbetu, mbukala kokule. Kembuhinangela vali na etumonese ononkhumbi.
Okweliunga
Salmo 31:7: “Wamona ononkhumbi mbange. Wanoñgonoka emone liohande yange.”
Otyo okutiwi: Huku weete ononkhumbi mbove nokunoñgonoka oñgeni uliivite. Aloo umwe tyina ovanthu vehetyiete.
Salmo 34:18: “Siovaa uli popepi na vana vaihamenwa komutima. Uyovola vana vokuli nokumona ononkhumbi.”
Otyo okutiwi: Huku walaa okuti mekukwatesako tyina wanumana mokonda yatyimwe. Mekwavela ononkhono opo utyivile okulikwatehila.
Okuvela
Salmo 41:3: “Siovaa memupameka tyina ekahi poula nokuvela.”
Otyo okutiwi: Huku mekukwatesako opo ukale nomutima watula tyina ekupameka, otyivili okukoleleya nokulinga omatokolo nounongo.
Isaías 33:24: “Nawike kombanda yohi makati: ‘Ame navela.’”
Otyo okutiwi: Huku walaa okuti ovanthu aveho mavakakala nekongoko likahi nawa.
Okutokota Omutwe Nokwalinga Otyiho
Salmo 94:19: “Puetyi ankho nasukalala unene, ove wamphameka iya wanthulisa omutima.”
Otyo okutiwi: Inkha uhatekela ku Huku tyina pena tyimwe tyekutokotesa omutwe, ngwe mekukwatesako otulu omutima.
1 Petulu 5:7: “Pakulei otyiho tyenyi ku Huku, mokonda wesuka noonwe.”
Otyo okutiwi: Huku ketuniange tyina tukahi nokumona ononkhumbi. Ngwe utukonga tulikwambele kwe okupopia etyi tyitulingisa otyiho.
Ovilwa
Salmo 46:9: “Huku makamanako ovita alo kuna kuaoyela ohi.”
Otyo okutiwi: Ouhamba wa Huku maukamana-ko ovilwa aviho.
Salmo 37:11, 29: “Ovanthu vomapole, mavakakala kombanda yohi, avakakala nombembwa. . . . Ovaviuki mavakakala kombanda yeheke, avakakala-ko apeho-apeho.”
Otyo okutiwi: Ovanthu vovituwa oviwa mavakakala nombembwa apeho kombanda yohi.
Okulinga Otyiho Netyi Matyiya Komutwe
Jeremias 29:11: “‘Tyetyi ame muene ndyii nawa omalusoke ndyina konthele yenyi’, otyo tyapopia Siovaa, ‘omalusoke ombembwa, ha-ononkhumbi, opo ndyimuavele ekevelelo no nonthiki mbo komutwe.’”
Otyo okutiwi: Huku ulunda ovanthu vae okuti vapondola okutala komutwe nehambu.
Eholololo 21:4: “Huku makasekuna ononkhuka momaiho avo, ononkhia, okulila, no nongembia kamavikakalako vali. Mokonda ovipuka ovio aviho mavikalamba.”
Otyo okutiwi: Huku walaa okuti makamana-ko ovipuka aviho ovivi tukahi nokumona hono.
a Siovaa enyina lya Huku. (Salmo 83:18) Tala onthele yati: “Olie Siovaa?”
Hamwe Noove Uhanda
OMUTALA WOMULAVI
Oñgeni Upondola Okupola owa Kokukuatesuako na Huku
Ombimbiliya ipondola okukuatesako okukala nekolelo nokuyumba onthumbi momulao wa Huku konthele yo komunthue wandyila.
Ononthele Ononkhwavo
Onondaka Mbupameka Ava Vasiwapo
Tyina twamasiwapo, pamwe tupondola okusoka okuti olwihamo lwetu mwene olwetu umwe vala petupu vali ou ulwii. Mahi Huku nae tyimwihama unene. Ine utavela, mekukwatesako, mekuungumanesa.
ESSENTIAL BIBLE TEACHINGS
Omokonda Yatyi Huku Ayekelelako Ononkhumbi?
Ovanthu ovanyingi velipula omokonda yatyi ouye weyulila ononkhumbi. Ekumbululo liayandyuluka livasiwa mo Mbimbiliya litupameka.
ETYI OMBIMBILIYA ILONGESA
Hetekela Okulongeswa Ombimbiliya
Ovola ou mamulilongesa nae Ombimbiliya mekulongesa vala otyali.