Sesusi ankho ha-munthu vala ondalawa. Mouye auho, Sesusi wankhimana vali kovanthu aveho valiko. Tala etyi ovanthu vamwe vokuankhimana vapopia konthele ya Sesusi:

 “Sesusi wo ko Nasalee . . . omunthu wankhimana unene kovanthu aveho.” — H. G. Wells, Omuhipululi wo Ingelesi.

 “[Sesusi] wiiwe novanthu ovanyingi-nyingi mouye auho iya aloo umwe hono ovanthu vatualako okupopia konthele yae.” — Kenneth, Omuhipululi woko América tupu omuhoneki.

 Ombimbiliya ipopia omokonda yatyi Sesusi ankho omunthu wankhimana vali kovanthu onondalawa vakaleleko kohale. Etyi Sesusi apula ovalongwa vae vapopie kuvo ngwe olie, umwe puvo akumbulula okuti: “Ove, ove Kilisitu Omona wa Huku una omuenyo.” — Mateusi 16:16.