Au. Ombimbiliya yetyipopia nawa okuti tuna okulikwambela vala ku Huku, menyina lya Sesusi. Sesusi wapopilile ovalongwa vai okuti: “Lesalei okuti: TATE YETU, uli keulu, enyina liove lisukukiswe.” (Mateusi 6:9, Ombimbiliya Yokatolika) Sesusi kapopilile ovalongwa vae okuti vena okulikwambela kono santa, ine okonoandyu ine tyipuka otyikwavo, oku Huku vala.

 Sesusi tupu wapopila ovalanduli vae okuti: “Ame ndyila, ame tyili, ame muenyo; nawike uya ku tate ahakwate pu ame.” (Suau 14:6, CBC) Sesusi oe vala wetavelwa na Huku okuti omenyina liae tuna okuita. — Ova Hebeleu 7:25.

Iya inkha ndyilikwambela ku Huku noko no santa?

 Etyi Huku ati pokwava ovitumino ekwi, wati: “Ame TATEKULU Huku yove, Huku wonkhwelume.” (Êxodo 20:5, Conferência Nacional dos Bispos do Brasil) Omonkhalelo patyi Huku, o Huku “wonkhwelume”? Ombimbiliya Tradução na Linguagem de Hoje yati: “Ame, TATEKULU, ame Huku nahahande ovikahuku ovikwavo.” Huku uhanda tumufende, otyo tyakutikinya omalikwambelo etu, aviukiswe vala kwe. — Isaías 48:11.

 Inkha tulikwambela kovipuka ovikwavo, tyilinge ono santa ine oandyu, ngotyo tukahi nokuleva Huku. Etyi Suau ankho ahanda okufenda oandyu, oandyu oyo aimutyilika aiti: “Wahalinge ngotyo! Ame ndyimuumbili vala ngoove novakwatate vove, ndyiava oumbangi wa Sesusi. Fenda Huku.” — Eholololo 19:10, CBC.