OKUTI PENA OU WEVITUNGA?
Ononyi Mbokulia Ovinyango Mbunthanana Monkhalelo Ihuvisa
Inkha wahetekelele-ale okuiipa onyi ine onkhatuka utyii oñgeni tyipuilisa. Ounyama oo uliyakulila liwa-liwa, apeho utyivila okuenda nkholo.
Ovanongo vaimbuka okuti ononyi haunene mbokulia ovinyango, mbunthanana ngo aviau ihateka unene itiwa omiki. Mahi mbutyilinga vala mokamuvo kehehi. Omulongesi utiwa Michael Dickinson wapopia okuti tyina mbamatyitua “mbutyivila okunthanana, ngatyina omunthu utaha nawa o aviau. Otyo ongatyina omona wakutulua vala pehepano, mahi utyivila okutaha o aviau.”
Ovanongo vamwe vokuovolola vaimbuka okuti ononyi ombo, mbuveta omavava ambo ovikando 200 mo segundu ike vala. Mahi opo mbuliyakulile kotyiponga mbuveta vala omavava otyikando tyike, ambuende nkholo.
Ovanongo ovo vaimbuka okuti onkhalelo mbuenda liwa nkholo, mbulumbana vali tyipona tyina tupanyila. Omulongesi utiwa Dickinson wati: “Onyi itala nawa liwa-liwa opo itale opi otyitateka tyikahi nokutundilila, no ipi ondyila yaviuka ipondola okuenda nayo.”
Oñgeni ononyi mbokulia ovinyango mbutyivila okunthanana monkhalelo oyo ihuvisa tyina mbuna vala okawongo okatutu? Otyipuka otyo, ovanongo vahanda okutyinoñgonoka.
Mbupiluluka liwa ambuende no konthele onkhuavo
Oityi Ove Usoka? Okuti hamwe ounongo oo wononyi mbokulia ovinyango weya vala ngotyo? Ine pena ou weutunga?