29 ya Kakwenye atee 4 ya Kwenye Kunene
OVIIMBO 69
Otyiimbo 13 Nelikwambelo | Onondaka Mbokuhimbika (1 min.)
1. Tyaendele Momwenyo wa Sesusi Ankho Tyapopiwale M’oviimbo 69
(10 min.)
Sesusi wayalelwe ehena etyi alinga. (Ovii. 69:4; Swau 15:24, 25; Omutala Womulavi 15/8/2011 pefo 13 § 17)
Sesusi ankho una ombili nondywo ya Siovaa. (Ovii. 69:9; Swau 2:13-17; Omutala Womulavi 15/12/2010 pefo 8 §§ 7-8)
Sesusi weihamenwa unene komutima, avemwaavela ovinyu yahonyekwa nomeva otyifo tyilula. (Ovii. 69:20, 21; Mat. 27:34; Luka 22:44; Swau 19:34; Despertai! 22/10/1995 pefo 31 § 4; Perspicaz Vol. 2 pefo 660)
SOKA KWEETYI: Omokonda yatyi Siovaa apopila omaulo ayemba ku Mesiya Movihonekwa vyo Hembeleu?
2. Olumono Lwa Huku
(10 min.)
-
Ovii. 69:30, 31 — Oñgeni ono velesikulu ombu mbutukwatesako okulinga omalikwambelo ekahi vali nawa? (Omutala Womulavi 15/1/1999 pefo 18 § 11)
-
Etyi watanga Ombimbiliya osimana ino, olumono patyi wavasa?
3. Okutanga Ombimbiliya
(4 min.) Ovii. 69:1-25 (okulongesa-2)
4. Pwa Elundo — Oityi Sesusi Alingile?
(7 min.) Elongomona otyo upula. Talei OVINDIU ya olingi elongomona otyo upula liapolwa mombulusula Humba Ovanthu, elongeso 8 ponthele 1-2.
5. Pwa Elundo — Hetekela Sesusi
(8 min.) Elongomona otyo upula liapolwa mombulusula Humba Ovanthu, elongeso 8 ponthele 3-5 naapa pokwati: “Tupu Tala.”
Otyiimbo 134
6. Etyi Tyesukisa Mewaneno
(5 min.)
7. Onondunge Mbululika Efendelo Liombunga
(10 min.) Elongomona otyo upula.
Mu Kupupu yo 2009, Elilongeso Liomukanda Mewaneno alihonyekwa Nosikola Yovilinga vya Huku Neliongiyo Liovilinga, pahe ankho lina okulingwa like mosimanu. Otyo ankho matyikwatesako onombunga okulinga efendelo liombunga monosimanu ambuho. Ovanyingi vapandulile unene otyipuka otyo tyalingwa matyivekwatesako okufwena ku Siovaa, navo mwene avelikwate-po. — Epal. 6:6, 7.
Onondunge patyi mbululika ovakulu vomaumbo vetyivile umwe okulinga Efendelo Liombunga likahi nawa?
-
Okulilinga apeho. Ine tyitavela, pangei umwe onthiki noola mamulinga-linga Efendelo Liombunga monosimanu ambuho. Tupu mupondola okwovola onthiki onkhwavo mupondola okulinga tyina onthiki mwapanga mweheifwisilepo.
-
Tangei etyi mamulilongesa. Pamwe otyiwa utomphole nomukai wove novana vove, otehelela etyi vahanda mulilongese. Tyina mutala evi mamulilongesa mwahaovolei ovinyingi, haunene umwe tyina ovanyingi meumbo vaundapa onosimanu ambuho.
-
Tala nawa etyi matyikwatesako aveho meumbo. Tyina ovana vekula, ovipuka vahanda vipiluluka. Etyi mamulilongesa tyina okukwatesako aveho meumbo okupama motyili.
-
Pefendelo liombunga pakale umwe omphepo ongwa. Ine tyitavela, pamwe mupondola okutunda meumbo amukalingila pohika imwe ikahi nawa. Ine pena etyi tyina nokuviela pamwe nkhele mupondola okutalamapo katutu. Namphila efendelo liombunga opala okukwatesako ovana vove, mahi pefendelo liombunga hapoko una okuviyulila ovana vove.
-
Muti amulilongesa etyi amulilongesa etyi. Mupondola okulilongesa etyi mamukelilongesa meliongiyo liomokati kosimanu, pamwe amutale vala ovindiu ili mo jw.org amupopi etyi mwelilongesila-ko, okuti hatyo amulilongesa etyi mupondola okukapopia novanthu movilinga viokwivisa. Namphila etompho liyemba k’Efendelo Liombunga, mahi mupondola okupopia ovipuka mavikwatesako kanda munthu, opo likwate umwe no melilongeso lioulike.
Tompholei epulo eli:
-
Oñgeni ove uhole okuhetekela okulinga ovipuka evi mefendelo lienyi liombunga?
8. Elilongeso Li’Ombimbiliya Mewaneno
(30 min.) Omukanda Ava Oumbangi, okapitulu 13 opalangalafu 8-16, nokakasa pefo 119.
